ДЕНСАУЛЫҚ САҚТАУ БІРІНШІ ВИЦЕ-МИНИСТРІ Т. СҰЛТАНҒАЗИЕВ ҚР БІРІККЕН ҰЛТТАР ҰЙЫМЫНЫҢ ДАМУ БАҒДАРЛАМАСЫНЫҢ ӨКІЛІМЕН БІРҚАТАР МӘСЕЛЕЛЕРДІ ТАЛҚЫЛАДЫ

Денсаулық сақтау министрлігінде Денсаулық сақтау бірінші вице-министрі Тимур Сұлтанғазиев БҰҰДБ-ның Қазақстандағы Тұрақты өкілі М.А. Сухроб Ходжиматов мырзамен кездесті.

Кездесу күн тәртібінде Денсаулық сақтау саласындағы басым бағыттар, бірлескен жобаларды іске асыру бағыттары бойынша одан әрі ынтымақтастық перспективалары талқыланды.

«Біз БҰҰ-ның Қазақстандағы Даму Бағдарламасына денсаулық сақтау саласындағы, атап айтқанда, әлеуметтік мәні бар ауруларды емдеуге арналған дәрілік препараттарды сатып алу, ЖИТС, туберкулез және безгекпен күреске арналған Жаһандық қордың гранттарын орындауда қолдау көрсету, COVID-19-бен күреске және басқа бағыттарға бағытталған жобаларды бірлесіп іске асыру бойынша ұзақ серпінді ынтымақтастық пен бірлескен жобаларды іске асырғаны үшін алғыс айтамыз», - деп атап өтті Т.Сұлтанғазиев.

Кездесу барысында халықтың барлық топтарын, әсіресе сақтандыру мәртебесі жоқ әлеуметтік осал адамдарды тарта отырып, әлеуметтік медициналық сақтандырудың әділ жүйесін (МӘМС) дамыту мәселелері көтерілді.

Сондай-ақ, Тараптар БҰҰ-ның Тұрақты даму мақсаттарына қол жеткізу мақсатында денсаулық сақтау жүйесін дамыту саласындағы ынтымақтастықты талқылады.

Кездесу соңында Т. Сұлтанғазиев БҰҰДБ мен ҚР Денсаулық сақтау министрлігі арасындағы екіжақты ынтымақтастықтың маңыздылығын атап өтті, сондай-ақ одан әрі әріптестікті жалғастыруға және халықтың денсаулығын сақтауға бағытталған бірлескен жобаларды іске асыруға қызығушылық танытып, қолдау білдірді.