ҚАЗАҚСТАН ХАЛҚЫНЫҢ ТІЛДЕРІ КҮНІ ЖӘНЕ ҰЛТ ҰСТАЗЫ АХМЕТ БАЙТҰРСЫНОВТЫҢ 150 ЖЫЛДЫҒЫНА ОРАЙ ҚР ДЕНСАУЛЫҚ САҚТАУ МИНИСТРЛІГІНІҢ ҚЫЗМЕТКЕРЛЕРІНІҢ АРАСЫНДА «ТІЛДЕР СӨЙЛЕЙДІ» ИНТЕЛЛЕКТУАЛДЫ САЙЫСЫ ӨТТІ

ҚР Денсаулық сақтау министрлігінде Қазақстан халқының тілдері күні және Ұлт ұстазы Ахмет Байтұрсыновтың 150 жылдығына орай  мемлекеттік қызметкерлер арасында «Тілдер сөйлейді» интеллектуалды сайысы өтті.  

Іс-шараның мақсаты - мемлекеттік тіл саясаты жетістіктеріне үн қосу, үш тілді меңгерген қызметкерлердің үлгілі имиджін насихаттау,  Қазақстан халқының достығы мен бірлігін нығайту.

Сайыс «Білгірлер», «Фразелогизмдердің баламасын тап», «Мақал-мәтелдер сайысы», «Аудармашылар  конкурсы», «Мәнерлеп оқу», «Өнерпаздар» деген  алты  кезеңнен тұрды. Аппарат басшысы Б.Әбділдин сайыс нәтижесін қортындылап,  белсенді қатысқандарды алғыс хатпен марапаттады, ал жүлдегерлерді сыйақымен көтермеледі.

Сонымен қатар, 29-30 қыркүйек Ұлт ұстазы Ахмет Байтұрсыновтың 150 жылдығына орай денсаулық сақтау жүйесіндегі тіл мамандарының республикалық форумы өтетінін атап өтеміз.