А. ҒИНИЯТ ОТЫРАР АУДАНЫНДАҒЫ ОАА-ҒА БАРДЫ

ҚР Денсаулық сақтау министрі Ажар Ғиният Түркістан облысына жұмыс сапары аясында 48 мың адамға қызмет көрсететін Отырар ауданының орталық аудандық ауруханасында болды, медициналық ұйымның штатында 750 қызметкер жұмыс істейді.
ҚР ДСМ басшысы ауруханамен, дәрігерге дейінгі кабинетпен және емхананың жалпы практика дәрігерінің жұмысымен танысты.
ҚР Денсаулық сақтау министрлігінің басшысына автоматтандырылған дәріхана-тарату пункті көрсетілді.
Бұл аппарат, ең алдымен, пациенттерге дәрі-дәрмектерді тәуліктің кез келген уақытында, медицина қызметкерлерінің қатысуынсыз өз бетінше алуға, адам факторын қоспағанда, АДҚ тізбесі бойынша дәрі-дәрмектерді бөлудегі ашықтықты қамтамасыз етуге мүмкіндік береді.
Министр цифрландыру жөніндегі құрылымдық бөлімшеге осы тәжірибені зерделеуді және пилоттық жоба ретінде енгізуді тапсырды.
Орталық аудандық аурухананың жұмысымен танысқаннан кейін министр бас дәрігерге медициналық қызметкерлерді емдеу бөлімінде де, пациенттермен сауатты байланыс орнату, аурухана менеджментінің тиімділігін арттыру қажеттілігі туралы кеңес берді.
Осы ауданнан министрге босану кезінде жарақат алған мүгедек баланың әкесі көмек сұрап жүгінді. А.Ғиният жағдайды тез арада анықтап, баланы емдеуге жан-жақты қолдау көрсетуді тапсырды.