А. Ғиният Солтүстік Қазақстан облысында халықпен кездесу өткізді
Денсаулық сақтау министрі Ажар Ғиният Мемлекет басшысының тапсырмасын орындау мақсатында Солтүстік Қазақстан облысына жұмыс сапары барысында Петропавл қаласының Жастар сарайының залында өңір тұрғындарымен кездесу өткізді.
А. Ғиният өзінің кіріспе сөзінде денсаулық сақтауды дамытудың бірнеше басым бағыттарын белгіледі, олар: бастапқы медициналық-санитарлық қызмет ұйымдарында медициналық қызметтерді қамтуды күшейту және қолжетімділікті қамтамасыз ету, қаржыландыруды ұлғайту, ауылдық медицинаны дамыту, жоғары технологиялық медициналық көмекті енгізу, ана мен баланы қорғау.
Ол денсаулық сақтау министрлігі тарапынан балалар ауруларының алдын алуды жақсартуға, қарт адамдарға медициналық көмек көрсетуге мүмкіндік беретін бірқатар шараларды атап өтті, сондай-ақ қашықтықтан медицинаны, амбулаториялық хирургияны, оңалту көмегінің барлық түрлерін дамыту жоспарлануда.
Министрмен кездесуге облыстың 600-ден астам тұрғыны қатысты.
Денсаулық сақтау министрлігінің басшысы қатысқан азаматтардың дәрі-дәрмекпен қамтамасыз ету, балаларды оңалту мүмкіндігі, арнайы мамандарға жазылу, медициналық сақтандыру шеңберінде дәрігерді таңдау туралы көптеген сұрақтарына жауап берді.
Осылайша, екі ата-ана орфандық аурулары бар балалар үшін өмірлік маңызды препараттарға қол жеткізу және осындай санаттағы науқастар үшін медициналық көмектің сапасы мәселесін көтерді.
Министр алдағы уақытта жағдайды анықтап, медициналық көмектің кепілдік берілген көлемінің тізіміне кіретін препараттар туралы болғандықтан балаларды дәрі-дәрмекпен қамтамасыз етуге көмектесуді тапсырды.
Екі өтініштің біреуі бойынша мәселе іс жүзінде кездесу барысында шешіліп, препарат сол күні берілді.
А.Ғиният сондай-ақ, амбулаториялық дәрі-дәрмекпен қамтамасыз етуге кірмейтін дәрі-дәрмектер мен медициналық бұйымдардың қолжетімділігін арттыру үшін ауылдық медициналық ұйымдар базасында дәріхана пункттерін құру жоспарланғанын айтты.
Келесі сұрақ учаскелік терапевттің жолдамасынсыз арнайы маманға неге хабарласуға болмайтындығы туралы болды. Ажар Ғинияттың айтуынша, бұл мәселе бойынша қазіргі уақытта денсаулық сақтау министрлігі пациенттің бағытын бастапқы деңгейде оңтайландыру көзделген жаңартылған бұйрық дайындауда, оған сәйкес 9 жағдайда тікелей бейінді маманға жүгінуге болады.
Медицина колледжінің түлегі министрге ауылдық жерде жұмысқа орналасу кезінде алатын әлеуметтік қолдау шаралары туралы сұрақ қойды.
Денсаулық сақтау министрлігінің басшысы жергілікті атқарушы органдардың өкілдерін түлекке көтерме ақы төлеуге қолдау көрсетуге шақырды.
Арнайы мамандардың тапшылығы туралы сұраққа жауап бере отырып, министр Денсаулық сақтау министрлігінің сала қажеттіліктерін болжауға және бейінді дәрігерлерді сапалы даярлауға бағытталған кадр саясаты туралы айтты. Сонымен қатар, ол жергілікті жерлерде лайықты еңбек жағдайларын жасау, тұрғын үй, қаржы проблемаларын шешуге жәрдемдесу қажеттігін атап өтті.
"Аталған бағыттар бойынша жұмыстар өңірде әлі де жалғасын тауып, ҚР Денсаулық сақтау министрлігінің тұрақты бақылауында болады. Қорытындылай келе, өңірлерге мұндай сапарларды біз халықтың қажеттілігін анықтау және жергілікті атқарушы органдардың басшылығымен бірлесіп шешу жолдарын қалыптастыру үшін тұрақты негізде жүзеге асыратынымызды атап өткім келеді", - деді Ажар Ғиният.
Кездесу соңында министр ведомствоның ашықтығын, қоғаммен ашық сындарлы диалогқа дайындығын атап өтіп, қазіргі уақытта "100 күн - 100 сұрақ" әлеуметтік жобасы аясында өтініштер қабылданып жатқанын еске салды.