А.Ғиният ҰҚСК мүшелерімен кездесуде ведомствоның алдағы жоспарлары туралы баяндады
Бүгін Денсаулық сақтау министрі Ажар Ғиният Ұлттық нейрохирургия орталығы базасында Мемлекеттік хатшы Ерлан Қарин мен Ұлттық қоғамдық сенім кеңесі мүшелерінің қатысуымен кездесу өткізді.
ҚР Денсаулық сақтау министрлігінің басшысы өз сөзінде медициналық көмектің бастапқы буынының сапалы түрде жүргізіліп жатқан өзгерістеріне ерекше назар аударды.
"Біз МСАК-ты қаржыландыру үлесін денсаулық сақтауды қаржыландырудың жалпы көлемінің 60% - ына дейін жеткізу бойынша жұмысты жалғастырудамыз, қазір бұл көрсеткіш 54%-ға дейін жеткізілді. Бұл бізге бастапқы деңгейде профилактикалық бағытты ұлғайтуға мүмкіндік береді", - деп атап өтті А.Ғиният.
Мектеп медицинасын жетілдіру шеңберінде жаңа стандарт енгізілетін болады, бұл оқушыларды кәсіби қарау тәсілдерін жүйелеуге және АІЖ, тірек-қимыл аппараты, көру және т.б. ауруларды ерте анықтауды күшейтуге мүмкіндік береді.
Консультациялық-диагностикалық қызметтер көлемін 1,5 есе ұлғайту болжанып отыр, бұл ауруларды ерте диагностикалаудың қолжетімділігін арттыруға және халықтың денсаулық сақтауға жеке шығыстарын төмендетуге мүмкіндік береді.
Министр қазіргі уақытта негізгі үш жас тобына сүйене отырып, ауыл тұрғындары үшін профилактикалық тексерулер тізбесін қалыптастыру бойынша жұмыс жүргізіліп жатқанын, сондай-ақ балалар үшін тексерулер пакеттері кеңейтілетінін хабарлады.
А. Ғиният әлемдік деңгейде бәсекеге түсетін медициналық көмектің жоғары технологиялық түрлері туралы айтып берді, ЖТМК-нің 80 түрі қазақстандықтар үшін қолжетімді. Пациенттер бұрын медициналық көмектің кейбір түрлерін алу үшін шетелге шыққан еді, енді олар бұл медициналық қызметтерді отандық клиникалар базасында алу мүмкіндігіне ие болды.
Денсаулық сақтау мәселелерін талқылау барысында ҰҚСК мүшелері бірқатар бағыттар бойынша жағдайды жақсарту бойынша өз пікірлері мен ұсыныстарын білдірді.
Ұлттық Кеңес мүшесі Мұрат Әбенов ауылдарда медициналық көмек пен дәрі-дәрмекпен қамтамасыз етудің қолжетімділігі мәселесін көтерді. Атап айтқанда, ол скринингтік бағдарламалар мен жоспарлы медициналық көмектің бортынан тыс төлем қабілетсіздігі себебінен қалатын МӘМС жүйесінде сақтандырылмаған ауыл тұрғындарына назар аударды, сондай-ақ оны ауылдық жерлерде ұстау қажет ауылдық медицина қызметкерлерін материалдық ынталандыру мәселесі қызықтырды.
Денсаулық сақтау министрі осы мәселе бойынша ҰҚСК мүшесінің алаңдаушылығын қолдай отырып, ведомствоның назарында дәл осы ауылдық денсаулық сақтау проблемалары бар екенін, МӘМС мәртебесіне қарамастан халықты кәсіптік тексерулермен қамту мәселесі шешіліп жатқанын атап өтті.
Отырысқа қатысушылар министрге онкологиялық науқастар үшін медициналық көмектің қолжетімділігіне, пациенттердің арнайы мамандарға тікелей жүгіну мүмкіндігіне, емханалардағы үлкен кезектілікке қатысты түрлі сұрақтар қойды.
А.Ғинияттың айтуынша, онкологиялық көмекті жетілдіру шеңберінде томотерапия, сәулелік терапия, радиойодтерапия сияқты диагностика мен емдеудің жоғары технологиялық әдістеріне көрсетілетін қызметтер көлемі ұлғайтылады.
Сондай-ақ, биылдан бастап МӘМС қаражаты есебінен алғаш рет онкологиялық науқастарға медициналық оңалту көрсетілетін болады. Қатерлі ісіктері бар пациенттерді емдеумен қамту үшін Семей, Нұр-Сұлтан, Алматы, Шымкент қалаларында 4 ПЭТ-орталық ашу жоспарлануда.
Медициналық қызметті қылмыстық сипаттан арылту және дәрігерлерді қылмыстық қудалау бойынша тәсілдерді қайта қарау туралы жеке сұрақ қойылды.
2020 жылғы 27 мамырда өткен Ұлттық қоғамдық сенім кеңесінің үшінші отырысында Мемлекет басшысы Қ.Тоқаев медициналық инциденттерге қатынасты қайта қарауды және медицина қызметкерлерінің кәсіби жауапкершілігін қорғауды тапсырды.
Денсаулық сақтау министрлігінің басшысы жауап ретінде медицина қызметкерлерінің кәсіби жауапкершілігін сақтандыру туралы жаңа заң жобасын Парламентке енгізуге дайындық жайлы және дәрігерлердің барлық жазаларын жеңілдету шаралары туралы айтып, қоғам тарапынан заңнамалық бастамаларды қолдауды сұрады.
Отырыс барысында денсаулық сақтау министрлігіне халық арасында медицинаның алдын алу бағытын және СӨС насихаттауды күшейту тапсырылды.
Талқылау қорытындысы бойынша қоғам белсенділері мен министрлік басшылығы өзара ынтымақтастық және кездесу барысында айтылған ұсыныстарды бірлесіп пысықтауға келісті.