Facebook ҚР Денсаулық сақтау министрлігімен бірлесіп қан донорлығы бойынша жобаны іске қосты

2021 жылғы 8 желтоқсанда Facebook әлеуметтік желісінің иесі Meta компаниясы Қазақстан Республикасы Денсаулық сақтау министрлігімен бірлесіп Facebook Қазақстандық сегментінде «Қан донорлығы орталығы» (Blood Donation Tool) платформасын іске қосты.

Бұл құрал қан донорлығының маңыздылығы туралы хабардарлықты арттыруға, лайықты донорды табуға көмектесуге және адамдарды қан тапсыруға ынталандыруға мүмкіндік береді. 18-65 жас аралығындағы Facebook қолданушылары жергілікті қан тапсыру орталықтарында қан тапсыру мүмкіндігі туралы хабарламаларға жазыла алады, сонымен қатар достарын қан тапсыруға шақыра алады. Бұдан басқа, платформада қазақстандық қан орталықтары, олардың орналасқан жері, Байланыс ақпараты және жұмыс уақыты, сондай-ақ қан тапсыруға дайындық туралы ақпарат ұсынылады.

Платформаға Қазақстан бойынша 18 қан орталығы қосылды, пайдаланушылар қазірдің өзінде хабарламалар мен қосымша ақпаратты алуға жазыла алады. «Blood Donation» іздеу бойынша Facebook мобильді қосымшасында және жұмыс үстеліндегі браузерлерде мына сілтеме бойынша жазылуға болады: https://www.facebook.com/blooddonations (функция мобильді браузерлерде қол жетімді емес).