Женевада БМСК бойынша ДДҰ/ЮНИСЕФ Алматы декларациясының 40 жылдығына арналған Жаһандық конференцияға дайындық талқыланды
2018 жылғы 12-14 ақпан аралығында Женева қаласында (Швейцария) ҚР Денсаулық сақтау министрі Елжан Біртанов бастапқы медициналық-санитариялық көмек бойынша ДДҰ/ЮНИСЕФ Алматы декларациясының 40 жылдығына арналған Жаһандық конференцияға қатысады.
Семинардың мақсаты: Алматы декларациясының 40 жылдығы шеңберінде қабылданатын негізгі халықаралық құжаттады талқылау, бүкіл әлемде БМСК жағдайы бойынша білім алмасу, ағымдағы 25-26 қазанда Қазақстанда Конференцияны өткізу үшін сараптамалық пікір жинау.
ДДҰ бас директорының көмекшісі проф. Наоко Ямамото денсаулық сақтау саласындағы жаһандық күн тәртібін бастапқы медициналық-санитариялық көмекке қайта бағдарлайтын Қазақстандағы Конференцияның маңыздылығы туралы атап өтті.
Өз кезегінде, Елжан Біртанов соңғы 40 жылдың ішінде денсаулық сақтау жүйелерінің басымдықтары өзгергенін атап өтті. Алайда, медициналық көмектің бастапқы буынының негізгі рөлі анық қалатын болады. Алматы декларациясына бұл бейілділікті тойлауды әріптестердің басым көпшілігі және ДДҰ мүше мемлекеттер қолдайды.
«Бастапқы медициналық-санитариялық қайта бағдарлылық, бәрінен бұрын халық денсаулығын қолдауға және адамдардың олардың денсаулығын басқаруға белсенді қатысуына бағытталған», - деді министр.
«Қазақстан бес басым бағытпен Ұлттық бастапқы көмек тұжырымдамасын әзірледі. Бұл – БМСК қызметін пациентке және қызметтерді интеграциялауға, денсаулық сақтау қызметтерімен жалпыға бірдей қамтуды жақсартуға және тең қолжетімділікті қамтамасыз етуге, профилактиканы күшейтуге және ерте араласуларға, БМСК үшін ресурстарды жоспарлауға және жаңа технологияларды енгізуге бағдарлану»,- деді Елжан Біртанов.
Ол жаңа инфокоммуникациялық және цифрлық технологияларды енгізу жоғарыда көрсетілген мақсаттарға қол жеткізуге ықпал ететіндігін де хабарлады. Қазақстан ел Президентін қоса алғанда, барлық деңгейлерде қолдаушы «Цифрлық Қазақстан» амбициялық кешенді бағдарламасын бастады.
Елжан Біртанов: «1978 жылғы бастапқы Декларацияның бейілділігін растай отырып, біз 2019 жылы Дүниежүзілік денсаулық сақтау ассамблеясында және БҰҰ бас ассамблеясында кейіннен қарау үшін заманауи талаптарға жауап еретін және 21 ғасырда БМСК перспективасын беретін жаңа құжат қабылдауды ұсынамыз» деп атап көрсетті.
Халықаралық агенттіктердің сарапшылары мен басшылары Декларацияның 40 жылдығы ДДҰ, ЮНИСЕФ және мүше елдердің күн тәртібінде денсаулық сақтау қызметтерін жалпыға бірдей қамтуға қол жеткізудегі негізгі басымдық болып табылатын қозғалыс екеніне келісті.
Семинардың барысында ҚР Денсаулық сақтау министрлігі мен ДДҰ-ның Еуропалық өңірлік бюросының арасындағы 2018-2019 жылдарға арналған екі жылдық ынтымақтастық туралы келісімге қол қойды, оның шеңберінде Қазақстан халықаралық ұйымдардан 1 665 500 АҚШ доллары сомасында қызметтер мен техникалық көмек алады.
Ынтымақтастықтың негізінде – 2030 жылға дейін тұрақты даму мақсаттарының шеңберіндегі басымдықтар, «Денсаулық - 2020», «Күн тәртібі - 2030» саясаттар. Келісім Бес институционалдық реформада және қоғамды жаңғырту бойынша 100 қадамда көрсетілген Қазақстанның әлеуметтік саясатын жаңғырту қағидаттарын көрсетеді.
Туберкулезді, тағамдық қауіпсіздікті қоса алғанда инфекциялық аурулар, инфекциялық емес аурулардың профилактикасы мен оны төмендету бойынша шаралар, микробтарға қарсы препараттарға төзімділік, денсаулық, ұрпақты болу денсаулығы, ана мен бала денсаулығы үшін өзгеріске бейімді қауіп факторларын қысқарту стратегиясы, қоршаған ортаның әсері, әлеуметтік бағдарланған медициналық қызметтерді ұсыну, халықаралық медициналық-санитариялық қағидаларды және басқаларды іске асыру жұмыстың негізгі бағыттары болып табылады.
Қазақстан мен ДДҰ ынтымақтастығы сапалы медициналық көмекке және қоғамдық денсаулық сақтау қызметтеріне тең қолжетімділікті қамтамасыз етуде ел әлеуетін нығайтуға ықпал ететін тәсілдерге негізделген.