Қазақстанда емханаға тіркеу науқаны жыл сайын 15 қыркүйек пен 15 қараша аралығында жүреді.
Емханаға кім тіркелуі керек, отбасының барлық мүшесі бір медициналық ұйымда болуы керек пе? Оны қалай таңдайды? Әлеуметтік медициналық сақтандыру қоры ең өзекті сауалдарға жауап әзірледі.
Тіркеу науқаны 15 қыркүйектен 15 қарашаға дейін жүреді, ал оның нәтижесі келесі жылдың 1 қаңтарынан күшіне енеді. Яғни, пациент (сол емхана оның тіркеуге өтінімін растаған жағдайда) өзге емханадан медициналық көмекті келесі жылдың басынан бастап алады.
Өзге емханаға тіркелген кезде, бұрынғысынан автоматты түрде есептен шығарылады.
Егер сізде қосымша сауалдар болса, жауабын емханаңыздың Пациенттерді қолдау қызметіне жолығып біле аласыз. Егер сізге ол жерде көмектесе алмаса, өтініміңізді өзіңізге ыңғайлы байланыс арнасы арқылы Әлеуметтік медициналық сақтандыру қорына жолдай аласыз:
Ресми сайт fms.kz
Байланыс орталығы 1406
Мобильдік қосымша Qoldau 24/7
Телеграм-бот SaqtandyryBot