дайдағы 546 бала (уақытша орналастырылған).
Жыл ішінде 60% туған отбасыларына қайтарылды, 17% қамқорлыққа берілді, 10% патронаттық тәрбиеге айқындалды, шарт бойынша 1,5% патронаттық отбасыларда болды және 8% өзге мекемелерге ауыстырылды.
Балалар үйіндегі барлық балалар тәулік бойы медициналық бақылаумен қамтамасыз етілген. Бала күтімінде кешенді тәсіл (медициналық, педагогикалық, әлеуметтік, оңалту көмегі) іске асырылды.
«Аңсаған сәби»
Президенттің тапсырмасы аясында елімізде «Аңсаған сәби» арнайы бағдарламасы жүзеге асырылуда, оның аясында 7000 әйелге ЭКҰ қолжетімді болды.
2022 жылы 6,5 мың әйел бағдарламамен қамтылды (қалғандары күту парағында).
Орындалған ЭКҰ рәсімдерінің нәтижесінде «Аңсаған сәби» арнайы бағдарламасын іске асыру шеңберінде 2654 отбасында көптен күткен 3110 бала дүниеге келді.
Жүкті әйелдер мен жаңа туған нәрестелерге көмекті жетілдіру мақсатында елде халықаралық стандарттарға сәйкес келетін 11 заманауи перинаталдық орталық салу жоспарланған.
Еліміздің болашағы өскелең қазақстандықтардың әл-ауқаты мен денсаулығына байланысты.
Сондықтан, балалар жылы Министрлік жаңа бастамалар қалыптастырды, оларды одан әрі іске асыру балалық шақты қорғауды жоспарлы нығайту мен дамытуды қамтамасыз етеді.
Министрлік балалардың игілігі үшін жұмысын жалғастырады.