Қазақстан Республикасы Денсаулық сақтау министрлігінің 2024-2026 және 2025-2026 жылдарға арналған бағдарламалық-нысаналы қаржыландыру бойынша ғылыми зерттеулер туралы ақпарат
Ағымдағы жылы Денсаулық сақтау министрлігімен 2024-2026 және 2025-2026 жылдарға арналған 10 ғылыми зерттеуді бағдарламалық-нысаналы қаржыландыру бойынша жүзеге асырылып жатыр.
Зерттеулер нәтижесінде төмендегідей ғылыми өнімдер әзірленетін болады:
- геномдық технологияларға негізделген бруцеллезге қарсы вакцина;
- жусан тозаңымен туындаған аллергиялық ринит пен бронх демікпесіне қарсы иммунотерапияға арналған вакцина;
- кіндік бау мезенхималық бағаналы жасушаларынан экзосомаларды бөлуге арналған жинақ.
Қазақстанда алғаш рет практикалық денсаулық сақтау саласына енгізілетін болады:
- CAR-T химерлі антигенді рецепторын пайдалану арқылы гематологиялық ісіктерді емдеу технологиялары;
- перинаталдық нәтижелерді жақсартуға бағытталған жаңа бағдарламалар;
- репродуктивтік бұзылыстарды ерте болжау бағдарламалары бойынша репродуктивтік денсаулықты нығайтуға арналған ұсынымдар;
- биологиялық қауіпсіздікті қамтамасыз етуге арналған диагностикалық препараттар;
- жалпы денсаулық пен өмір сапасын жақсартуға бағытталған жұқпалы емес аурулардың эпигенетикалық механизмдерін қолданатын профилактикалық шаралар;
- 2030 жылға дейінгі мектеп медицинасын дамытудағы негізгі бағыттар анықталып, оқушылардың денсаулығын нығайту, аурулардың алдын алу және қалпына келтіру бойынша халықаралық үздік тәжірибелерге негізделген тетіктер әзірленетін болады.