ЖАЛПЫ БҰЙРЫҚТЫҢ ЖОБАСЫ Психикалық денсаулық саласында медициналық-әлеуметтік көмек көрсетудің кейбір мәселелері туралы

ЖАЛПЫ БҰЙРЫҚТЫҢ ЖОБАСЫ

Психикалық денсаулық саласында

медициналық-әлеуметтік көмек көрсетудің

кейбір мәселелері туралы

 

Қазақстан Республикасының 2020 жылғы 07 шілдедегі № 360-VI ЗРК «Халық денсаулығы және денсаулық сақтау жүйесі туралы» Кодексінің 7-бабы 32), 74), 77)-тармақшаларына, 156-бабы 2-тармағына, 173-бабы 5-тармағына, 174-бабы 6-тармағына, 178-бабы 2-тармағына сәйкес БҰЙЫРАМЫН:

  1. Қоса берілетін:

1) осы бұйрыққа 1-қосымшаға сәйкес Қазақстан Республикасының халқына психикалық денсаулық саласында медициналық-әлеуметтік көмек көрсетуді ұйымдастыру стандарты;

2) осы бұйрыққа 2-қосымшаға сәйкес психикалық белсенді заттарды қолданумен байланысты психикалық, мінез-құлық бұзылулары (аурулары) бар адамдарға қатысты психикалық денсаулық саласында медициналық көмек көрсететін ұйымға жолдама жасалмайтын медициналық қарсы көрсетілімдердің тізімі;

3) осы бұйрыққа 3-қосымшаға сәйкес динамикалық байқау, сондай-ақ денсаулық сақтау саласындағы уәкілетті органмен бекітілген психикалық, мінез-құлықтық бұзылулары (аурулары) бар адамдарға динамикалық байқауды тоқтату қағидалары;

4) осы бұйрыққа 4-қосымшаға сәйкес пихикаға белсенді әсер ететін затты пайдалану фактісін және мас болу күйін анықтау үшін медициналық куәландыру жүргізу қағидалары;

5) осы бұйрыққа 5-қосымшаға сәйкес жыныстық сәйкестендіру бұзылулары бар адамдар үшін медициналық куәландыру және жынысты ауыстыруды (жынысты медициналық түзетуді) жүргізу тәртібі;

6) осы бұйрыққа 6-қосымшаға сәйкес психикалық денсаулық саласында медициналық көмек көрсететін ұйымдарда мәжбүрлі емдеуден өту үшін ішкі тәртіп ережелері;

7) осы бұйрыққа 7-қосымшаға сәйкес соттың қаулысы бойынша мерзімінен бұрын айықты деп шығарылғандардан бөлек мәжбүрлі емдеуге арналған ұйымнан шығарылғаннан кейін мәжбүрлі емдеуге душар болған психикалық белсенді заттарды тұтынумен байланысты психикалық, мінез-құлықтық бұзылулары (аурулары) бар адамдардың қолдаушы (рецидивке қарсы) емдеуден өту ережелері;

8) осы бұйрыққа 8-қосымшаға сәйкес уақытша бейімдеу және детоксикация орталықтарының қызметін ұйымдастыру ережелері және уақытша бейімдеу және детоксикация орталығының ішкі тәртіп ережелері;

9) осы бұйрыққа 9-қосымшаға сәйкес химиялық кастрациялау түріндегі медициналық сипаттағы мәжбүрлік шараларын пайдалану тәртібі бекітілсін.

  1. Осы бұйрыққа 10-қосымшаға сәйкес Қазақстан Республикасы Денсаулық сақтау министрлігінің кейбір бұйрықтарының күші жойылды деп танылсын.
  2. Қазақстан Республикасы Денсаулық сақтау министрлігінің Медициналық-әлеуметтік көмек департаменті Қазақстан Республикасының заңнамасымен белгіленген тәртіппен:

1) осы бұйрықты Қазақстан Республикасы Әділет министрлігінде мемлекеттік тіркеуді;

2) осы бұйрықты ресми жарияланғаннан кейін Қазақстан Республикасы Денсаулық сақтау министрлігінің интернет қорына орналастыруды;

3) осы бұйрықты мемлекеттік тіркегеннен кейін он жұмыс күні ішінде Қазақстан Республикасы Денсаулық сақтау министрлігінің Заң қызметі департаментіне осы бұйрықтың 1), 2), 3)-тармақшаларында көзделінген іс-шаралардың орындалуы туралы мәліметтерді ұсынуды қамтамасыз етсін.

  1. Осы бұйрыққа бақылау жасау Қазақстан Республикасы Денсаулық сақтау вице-министріне жүктелінсін.
  2. Осы бұйрық алғашқы ресми жарияланған күннен кейін он күнтізбелік күн өткенде қолданысқа енгізіледі.

 

Қазақстан Республикасының

Денсаулық сақтау министрі                                                                 А. Цой

 

 

 

Қазақстан Республикасы

Денсаулық сақтау министрінің

2020 жылғы ___________№_____

Психикалық денсаулық саласында

медициналық-әлеуметтік көмек

көрсетудің кейбір мәселелері

туралы бұйрығына

10-қосымша

 

 

 

Қазақстан Республикасы Денсаулық сақтау министрлігінің күші жойылды деп танылған бұйрықтарының тізімі

 

  1. Қазақстан Республикасының халқына психикалық денсаулық саласында медициналық-әлеуметтік көмек көрсетуді ұйымдастыру стандартын бекіту туралы.

Қазақстан Республикасы Денсаулық сақтау және әлеуметтік даму министрінің 2016 жылғы 8 ақпандағы № 95 бұйрығы. Қазақстан Республикасы Әділет министрлігінде 2016 жылғы 5 наурызда № 13404 болып тіркелді.

  1. Психикаға белсенді әсер ететін затты пайдалану фактісін және масс болу күйін анықтау үшін медициналық куәландыру жүргізу қағидаларын бекіту туралы.

Қазақстан Республикасы Денсаулық сақтау министрінің 2017 жылғы 13 шілдедегі № 504 бұйрығы. Қазақстан Республикасы Әділет министрлігінде 2017 жылғы 19 тамызда № 15519 болып тіркелді.

  1. Жыныстық сәйкестендіру бұзылулары бар адамдар үшін медициналық куәландыру және жынысты ауыстыруды (жынысты медициналық түзетуді) жүргізу қағидаларын бекіту туралы.

Қазақстан Республикасы Денсаулық сақтау және әлеуметтік даму министрінің 2015 жылғы 31 наурыздағы № 187 бұйрығы. Қазақстан Республикасы Әділет министрлігінде 2015 жылғы 29 сәуірде № 10843 болып тіркелді.

  1. Мәжбүрлі емдеу үшін наркологиялық ұйым туралы ережені және наркологиялық ұйымда мәжбүрлі емдеуден өту үшін ішкі тәртіп ережелерін бекіту туралы.

Қазақстан Республикасы Денсаулық сақтау министрінің 2011 жылғы 10 маусымдағы № 383 бұйрығы. Қазақстан Республикасы Әділет министрлігінде 2011 жылғы 27 маусымда № 7048 болып тіркелді.

  1. Маскүнемдікпен, нашақорлықпен және уытқұмарлықпен ауырады деп танылған адамдарды есепке алу, бақылау және емдеу қағидаларын бекіту туралы.

Қазақстан Республикасы Денсаулық сақтау министрінің м.а. 2009 жылғы 2 желтоқсандағы № 814 бұйрығы. Қазақстан Республикасы Әділет министрлігінде 2009 жылғы 3 желтоқсанда № 5954 болып тіркелді.

  1. Уақытша бейімдеу және детоксикация орталықтарының қызметі туралы ережені бекіту туралы.

Қазақстан Республикасы Денсаулық сақтау министрінің м.а. 2011 жылғы 5 қаңтардағы № 1 бұйрығы. Қазақстан Республикасы Әділет министрлігінде 2011 жылғы 28 қаңтарда № 6757 болып тіркелді.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

бұйрық жобасы
Дата публикации
12 августа 2020