Мәжбүрлеп емдеуге жіберілген туберкулезбен ауыратын адамдарға медициналық көмек көрсету қағидаларын бекіту туралы

Жоба

 

 

Мәжбүрлеп емдеуге жіберілген туберкулезбен ауыратын адамдарға медициналық көмек көрсету қағидаларын бекіту туралы

 

«Халық денсаулығы және денсаулық сақтау жүйесі туралы» Қазақстан Республикасының 2009 жылғы 7 шілдедегі ЗРК Кодексі 158-бабының 3-тармағына сәйкес БҰЙЫРАМЫН:

  1. Осы бұйрықтың қосымшасына сәйкес Мәжбүрлеп емдеуге жіберілген туберкулезбен ауыратын адамдарға медициналық көмек көрсету қағидалары бекітілсін.
  2. «Мәжбүрлеп емдеуге жіберілген туберкулезбен ауыратын науқастарға медициналық көмек көрсету қағидаларын бекіту және Қазақстан Республикасы Денсаулық сақтау министрінің кейбір бұйрықтарының күші жойылды деп тану туралы» Қазақстан Республикасы Денсаулық сақтау министрінің 2019 жылғы 30 наурыздағы № ҚР ДСМ-14 бұйрығының (Қазақстан Республикасының Әділет министрлігінде 2019 жылғы 9 сәуірде № 18482 болып тіркелді, ҚР НҚА электрондық түрдегі Электрондық бақылау банкінде 2019 жылғы 18 сәуірде жарияланды) күші жойылды деп танылсын.
  3. Қазақстан Республикасы Денсаулық сақтау министрлігінің Медициналық әлеуметтік көмек департаменті Қазақстан Республикасының заңнамасында белгіленген тәртіппен:

1) осы бұйрықты Қазақстан Республикасы Әділет министрлігінде мемлекеттік тіркеуді;

2) осы бұйрықты Қазақстан Республикасы Денсаулық сақтау министрлігінің интернет-ресурсына орналастыруды;

3) осы бұйрықты Қазақстан Республикасы Әділет министрлігінде мемлекеттік тіркегеннен кейін он жұмыс күні ішінде Қазақстан Республикасы Денсаулық сақтау министрлігінің Заң департаментіне осы тармақтың 1), 2) тармақшаларында көзделген іс-шаралардың орындалуы туралы мәліметтерді беруді қамтамасыз етсін.

  1. Осы бұйрықтың орындалуын бақылау Қазақстан Республикасының Денсаулық сақтау вице-министрі А. Гиниятқа жүктелсін.
  2. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

 

 

Қазақстан Республикасының

Денсаулық сақтау министрі                                                          А. Цой

 

 

 

 

 

Қазақстан Республикасы
Денсаулық сақтау министрінің
_______ жылғы_________
№ ___________ бұйрығына
қосымша

 

 

Мәжбүрлеп емдеуге жіберілген туберкулезбен ауыратын адамдарға медициналық көмек көрсету қағидалары

 

1-тарау. Жалпы ережелер

 

  1. Осы Мәжбүрлеп емдеуге жіберілген туберкулезбен ауыратын адамдарға медициналық көмек көрсету қағидалары (бұдан әрі – Қағидалар) мәжбүрлеп емдеуге жіберілген туберкулезбен ауыратын науқастарға медициналық көмек көрсету тәртібін айқындайды.
  2. Осы Қағидаларда мынадай негізгі ұғымдар мен анықтамалар пайдаланылады:

1) емдеу – аурдың ағымын жоюға, тоқтатуға және (немесе) жеңілдетуге, сондай-ақ, оның ушығуының алдын алуға бағытталған медициналық қызметтер кешені;

2) емдеуден бас тарту – зертханалық әдіспен расталған туберкулез диагнозы бар науқастың фтизиопульмонологиялық ұйымның орталықтандырылған дәрігерлік-консультациялық комиссиясы тағайындаған емнен бас тартуы;

3) емделуден жалтару – фтизиопульмонологиялық ұйымның орталықтандырылған дәрігерлік-консультациялық комиссиясы жазып берген жеке медициналық құжатта белгіленген күнтізбелік айдың ішінде туберкулезге қарсы препараттардың жеті тәуліктік дозасын қабылдауды себепсіз жіберу түрінде емдеу режимін бұзу;

4) мәжбүрлеп емдеу – сот шешімінің негізінде жүзеге асырылатын науқасты емдеу.

  1. Туберкулезбен ауыратын адамдарды мәжбүрлеп емдеуге мыналар негіздер болып табылады:

1) пациенттің медициналық құжаттамасында тіркеп-белгіленген, туберкулездің жұқпалы түрімен ауыратын науқастың емделуден бас тартуы;

2) пациенттің медициналық құжаттамасында тіркеп-белгіленген, өз бетінше кетуі және күнтізбелік бір ай ішінде туберкулезге қарсы препараттардың жеті тәуліктік дозасын қабылдауды себепсіз өткізу түрінде емдеу режимін бұзуы.

  1. Туберкулезбен ауыратын адамдарды мәжбүрлеп емдеу пациенттерді фтизиопульмонологиялық ұйымдарда оқшаулаумен бірге туберкулезге қарсы және симптоматикалық емдеуді қамтиды және тегін медициналық көмектің кепілдік берілген көлемі шеңберінде жүзеге асырылады.

 

 

2-тарау. Мәжбүрлеп емдеуге жіберілген туберкулезбен ауыратын адамдарға медициналық көмекті көрсету тәртібі

 

1-параграф. Туберкулезбен ауыратын адамдарды мәжбүрлеп емдеуге жіберу тәртібі

 

  1. Зертханалық әдіспен расталған туберкулезбен ауыратын науқастар міндетті емдеуге жатқызылуға жатады.
  2. Туберкулезбен ауыратын және емнен жалтарған азаматтарды мәжбүрлеп емдеу туралы шешімді сот денсаулық сақтау ұйымдарының Қазақстан Республикасының заңнамасына сәйкес өтініші бойынша қабылдайды.
  3. Мәжбүрлеп емдеуді тағайындау туралы мәселені шешу үшін науқастың медициналық құжаттамасынфтизиопульмонологиялық ұйымның орталықтандырылған дәрігерлік-консультациялық комиссиясына:

1) зертханалық расталған туберкулезбен ауыратын науқас емдеуге жатқызудан бас тартқан жағдайда – тіркелген жері бойынша амбулаториялық-емханалық көмек көрсететін ұйымның фтизиатры;

 2) өз еркімен кетіп қалған және науқастың медициналық құжаттамасында тіркелген күнтізбелік ай ішінде туберкулезге қарсы препараттардың жеті тәуліктік дозасын қабылдауды себепсіз үзу түріндегі емдеу режімін бұзған жағдайда – емдеуші дәрігер ұсынады.

Орталықтандырылған дәрігерлік-консультациялық комиссиясыныңқорытындысы бойыншафтизиопульмонологиялық ұйымныңбас дәрігері осы Қағидаларға қосымшаға сәйкес нысан бойынша екі данада мәжбүрлеп емдеу туралы ұсынымға қол қояды.

  1. Мәжбүрлеп емдеу туралы ұсынымға мынадай құжаттар қоса беріледі:

1) денсаулық жағдайы туралы анықтама (сырқатанамадан, амбулаториялық картадан үзінді);

2) фтизиопульмонологиялық ұйымыөкілінің атына сот отырыстарына қатысуы үшін берілгенфтизиопульмонологиялық ұйымының бас дәрігері бекіткен сенімхат;

3) фтизиопульмонологиялық ұйымның орталықтандырылған дәрігерлік-консультациялық комиссиясының мәжбүрлеп емдеуді тағайындау қажеттілігі туралы қорытындысы.

Құжаттарфтизиопульмонологиялық ұйымның орталықтандырылған дәрігерлік-консультациялық комиссиясыныңқорытындысы қабылданған күннен бастап күнтізбелік бес күннің ішінде сотқа жіберіледі.

 

  1. Мәжбүрлеп емдеуге жіберу туралы материалдарды сот Қазақстан Республикасының Азаматтық іс жүргізу колдексінің 347-бабында айқындалған мерзімдерде қарайды.
  2. Қылмыстық-атқару жүйесі мекемелерінен босап шыққан туберкулезбен ауыратын адамдарды мәжбүрлеп емдеуді ұйымдастыру Қазақстан Республикасы Ішкі істер министрінің 2014 жылғы 19 тамыздағы № 530 бұйрығымен (Нормативтік құқықтық актілерді мемлекеттік тіркеу тіркеліміне 2014 жылғы 29 қыркүйекте № 9762 болып тіркелген) бекітілген Қылмыстық-атқару жүйесінің мекемелерінде туберкулезге қарсы көмекті ұйымдастыру қағидаларына сәйкес жүргізіледі.

 

 

2-параграф. Мәжбүрлеп емдеуге жіберілген туберкулезбен ауыратын адамдарға медициналық көмекті көрсету тәртібі

 

  1. Фтизиопульмонологиялық ұйымғатүскен кезде науқастар санитариялық тазалаудан өтеді және дәрігер қарайды.

Науқасқа «Денсаулық сақтау ұйымдарының бастапқы медициналық құжаттама нысандарын бекіту туралы» Қазақстан Республикасы Денсаулық сақтау министрінің міндетін атқарушының 2010 жылғы 23 қарашадағы № 907 бұйрығымен (Нормативтік құқықтық актілерді мемлекеттік тіркеу тізілімінде 2010 жылғы 21 желтоқсанда № 6697 болып тіркелген) бекітілген 003/е нысанға сәйкес медициналық карта (бұдан әрі – сырқатнама) ресімделеді.

  1. «Туберкулез кезінде медициналық көмек көрсетуді ұйымдастыру жөніндегі нұсқаулықты бекіту туралы» Қазақстан Республикасы Денсаулық сақтау министрінің 2017 жылғы 25 желтоқсандағы № 994 бұйрығына (Нормативтік құқықтық актілерді мемлекеттік тіркеу тізілімінде 2018 жылғы 19 ақпанда № 16381 болып тіркелген) сәйкес науқасқа режим мен емнің схемасы тағайындалады.
  2. Көптеген дәрілерге көнбейтін туберкулез және ауқымды дәрілерге көнбейтін туберкулез белгіленген науқастың құжаттары инфекциялық бақылау шараларын сақтай отырып, жағдайларына тиісті ем схемасын және режим тағайындау үшінфтизиопульмонологиялық ұйымның орталықтандырылған дәрігерлік-консультациялық комиссиясына ұсынылады.
  3. Емдеуші дәрігер науқастарды күнде, демалыс және мереке күндерден бөлек, тексеріп-қарайды.

Демалыс және мереке күндері тексеріп-қарауды кезекші медициналық персонал жүзеге асырады.

  1. Бөлімшенің меңгерушісі пациентті келіп түскен күні, кейіннен медициналық көрсетілімі бойынша және шығарар алдында тексеріп-қарайды. Бөлімшенің меңгерушісі пациенті тексеріп-қарау нәтижелерін, диагнозын және ұсынымдарын сырқатнамаға жазады, қолын қояды.
  2. Науқастарды палаталарға бөлу келген кездегі және емдеу процесіндегі зертханалық зерттеу деректерін және дәрілік сезімталдығын есепке алып жүзеге асырылады.
  3. Туберкулезбен, оның ішіндекөптеген дәрілерге көнбейтін туберкулез және ауқымды дәрілерге көнбейтінтуберкулезбен ауыратын адамдарды мәжбүрлеп емдеу «емделіп шықты» немесе «емдеу аяқталды» деген жағымды нәтижелерімен толық емдеу курсы аяқталғанға дейін жалғасады.
  4. Көптеген дәрілерге көнбейтін туберкулез және ауқымды дәрілерге көнбейтін туберкулезбен ауыратын адамдыемдеуді тоқтату туралыфтизиопульмонологиялық ұйымның орталықтандырылған дәрігерлік-консультациялық комиссиясыныңшешімі болған жағдайда паллиативтік көмек және мейіргерлік күтім көрсететін ұйымға ауыстыруға жатады.

 

 

3-параграф. Мәжбүрлеп емдеудегі туберкулезбен ауыратын адамдардыңболу режимі

 

  1. Науқастардыңфтизиопульмонологиялық ұйымныңаумағынан өз бетінше кетіп қалуының, сондай-ақ бөгде адамдардың аумаққа кіріп кетуінің алдын алу үшінфтизиопульмонологиялық ұйымныңаумағы биіктігі кемінде 2,5 метр болатын тұтастай қақпамен қоршалады және тәуліктік ведомстволық күзетпен қамтамасыз етіледі. Науқастарға арналған жеке қоршалған серуендеу аумағы бөлінеді.
  2. Мамандандырылған бөлімшелер мынадай шектелген инженерлік-техникалық құралдармен:

1) аумақты негізгі қоршаумен;

2) дабылдамамен;

3) құжаттарды сақтауға арналған сейфтермен;

4) терезелердегі тез алынатын және ашылатын металл торлармен;

5) барлық арнайы және қосалқы үй-жайлар темір есіктермен;

6) мамандандырылған күзеті бар бақылау-өткізу пунктімен;

7) бейне бақылау жүйесімен жабдықталады.

  1. Фтизиопульмонологиялық ұйымның аумағы осы қызметтің түріне лицензиясы бар мамандандырылған күзет бөлімшесімен (бұдан әрі – күзет қызметі) күзетіледі.

Күзет қызметі бақылау-өткізу режимін ұйымдастырады және сыртқы және ішкі күзетті қамтамасыз етеді.

  1. Фтизиопульмонологиялық ұйымныңаумағына жұмыс істейтін персонал мен әкімшілік кіргізіледі.
  2. Науқастардың фтизиопульмонологиялық ұйымныңаумағынан және серуендеу ауласынан шығуы емдеу-диагностикалық іс-шараларын жүргізу үшін медицина және күзет персоналының алып жүруімен рұқсат етіледі.
  3. Фтизиопульмонологиялық ұйымның және күзет қызметінің арасында жасалған шарттың негізінде күзет қызметінің қызметкерлері медицина персоналына мәжбүрлеп емдеудегі адамға профилактикада және құқыққа қарсы іс-қимылдың алдын кесуге жәрдемдеседі.

 

 

4-параграф. Мәжбүрлеп емдеудегі туберкулезбен ауыратын адамдарды шығару тәртібі

 

  1. Жағымды аяқталумен емдеудің толық курсын аяқтаған науқас шығардың алдында күнтізбелік 10 күннің ішінде емдеуші дәрігер және бөлімше меңгерушісі одан әрі диспансерлік бақылау жағдайлары туралы ақпаратты нақтылайды.

Науқасты шығарған кезде тұрғылықты жері бойынша амбулаториялық-емханалық ұйымның фтизиатрына«Денсаулық сақтау ұйымдарының бастапқы медициналық құжаттама нысандарын бекіту туралы» Қазақстан Республикасы Денсаулық сақтау министрінің міндетін атқарушының 2010 жылғы 23 қарашадағы № 907 бұйрығымен (Нормативтік құқықтық актілерді мемлекеттік тіркеу тізілімінде 2010 жылғы 21 желтоқсанда № 6697 болып тіркелген)бекітілген «Туберкулезбен ауыратын науқастың медициналық картасы» ТБ 01/е нысаны бойынша немесе «Туберкулезбен ауыратын IV санатты науқастың медициналық картасы»-IV санаттағы ТБ 01/е нысаны бойынша медициналық картасы, соңғы рентгенограмма және стационардың медициналық картасынан көшірме беріледі.

  1. «Сәтсіз емнің» аяқталуымен емді аяқтаған науқас шығардың/ауысудың алдында күнтізбелік 10 күн бұрын емдеуші дәрігер және бөлімше меңгерушісі одан әрі паллиативтік емдеу жағдайлары туралы ақпаратты нақтылайды.

Паллиативтік көмек және мейіргерлік күтім көрсететін ұйымға науқас қабылдайтын тараппен алдын ала келісе отырып, мамандандырылған медициналық көлікпен ауыстырылады. Ұйымға соңғы рентгенограмма және стационардың медициналық картасынан көшірме беріледі.

Паллиативтік көмек және мейіргерлік күтім көрсететін ұйымға ауыстырылған науқастың«Денсаулық сақтау ұйымдарының бастапқы медициналық құжаттама нысандарын бекіту туралы» Қазақстан Республикасы Денсаулық сақтау министрінің міндетін атқарушының 2010 жылғы 23 қарашадағы № 907 бұйрығымен (Нормативтік құқықтық актілерді мемлекеттік тіркеу тізілімінде 2010 жылғы 21 желтоқсанда № 6697 болып тіркелген)бекітілген «Туберкулезбен ауыратын IV санатты науқастың медициналық картасы»-IV санаттағы ТБ 01/е нысаны бойынша медициналық картасы тұрғылықты жері бойынша амбулаториялық-емханалық ұйымның фтизиатрына жіберіледі.

  1. Науқастың сырқатнамасы шыққаннан/ауысқаннан кейін тексеріледі, фтизиопульмонологиялық ұйымның басшылығы қол қойып, мұрағатқа тапсырылады.
  2. Мәжбүрлеп емдеуге ұшыраған туберкулезбен ауыратын адамдарфтизиопульмонологиялық ұйымнаншыққаннан кейін тұрғылықты жері бойынша туберкулезге қарсы ұйымға есепке тұрады.
  3. Емдеу курсын толық аяқтаған туберкулезбен ауыратын науқастарды диспансерлік бақылау шаралары. «Туберкулез кезінде медициналық көмек көрсетуді ұйымдастыру жөніндегі нұсқаулықты бекіту туралы» Қазақстан Республикасы Денсаулық сақтау министрінің 2017 жылғы 25 желтоқсандағы № 994 бұйрықтың (Нормативтік құқықтық актілерді мемлекеттік тіркеу тізілімінде 2018 жылғы 19 ақпанда № 16381 болып тіркелген)талаптарына сәйкес жүргізіледі.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Мәжбүрлеп емдеуге жіберілген
туберкулезбен ауыратын
адамдарға медициналық көмек
көрсету қағидаларына
қосымша

 

Нысан

 

___________облыстың, Нұр-Сұлтан,
Алматы, Шымкент қалаларының
сотына

 

 

МӘЖБҮРЛЕП ЕМДЕУ ТУРАЛЫ ҰСЫНЫМ

 

Науқас__________________________________________________________  

(пациенттің/заңды өкілінің тегі, аты, әкесінің аты (болған кезде)

___________________________________________________ туған күні,
мынадай мекенжай бойынша тұратын: ___________________________________

____________________________________________________________________,
____________ жылғы «____» ____________ бастап_________________________
________________________________________________________________

____________________________________________________________________диагнозымен диспансерлік есепте тұрған.

Қосалқы аурулары:________________________________________________

____________________________________________________________________
Ауру анамнезі: _________________________________________________
____________________________________________________________________Науқас__________________________________________________________
               (емдеуден бас тарту немесе бой тасалау фактілері сипатталады)
____________________________________________________________________
фтизиопульмонологиялық ұйымның орталықтандырылған дәрігерлік-консультациялық комиссиясыныңқорытындысы:__________________________

____________________________________________________________________

Халық денсаулығы және денсаулық сақтау жүйесі туралы" Қазақстан Республикасының 2020 жылғы 7шілдедегі Кодексінің 158-бабына сәйкес жазылғанның негізінде

Науқас ______________________________________________________________

     (пациенттің/заңды өкілінің тегі, аты, әкесінің аты (болған кезде)

фтизиопульмонологиялық ұйымға______________________________________ 

(мекеменің атауы)

мәжбүрлеп емдеуге жіберуді

ӨТІНЕМІН.

Қосымша: материалдар ____ парақ.

 

Фтизиопульмонологиялық ұйымның бас дәрігері __________________________

_________________________________________________________________

                     (облыстың, қаланың) (Т.А.Ә.)

 

 

 

 

 

 

 

 

 

 

 

 

 

Дата публикации
03 августа 2020