Қазақстан Республикасы Денсаулық сақтау министрлігі жанындағы кәсіпкерлік мәселелері жөніндегі сараптамалық кеңес құру туралы

№ 629 от 30.09.2021

              Нұр-Сұлтан қаласы                                                                                                     город Нур-Султан     

 

 

 

 

 

Қазақстан Республикасы Денсаулық

сақтау министрлігі жанындағы

кәсіпкерлік мәселелері жөніндегі

сараптамалық кеңес құру туралы

 

 

Қазақстан Республикасы Кәсіпкерлік кодексінің 64-бабының 1, 2, 3,
5-тармақтарына, «Құқықтық актілер туралы» Қазақстан Республикасы Заңының
65-бабының 3-тармағына, «Аккредиттеу туралы куәліктің нысанын, Жеке кәсіпкерлік субъектілерінің бірлестіктері мен өзге де коммерциялық емес ұйымдарды аккредиттеуді өткізу қағидаларын, аккредиттеудің күшін жою негіздері мен тәртібін бекіту және «Жеке кәсіпкерлік мәселелері жөніндегі сараптамалық кеңестер туралы үлгілік ережені бекіту туралы» Қазақстан Республикасы Үкіметінің 2015 жылғы 28 желтоқсандағы № 1090 қаулысына өзгерістер мен толықтырулар енгізу туралы» Қазақстан Республикасы Үкіметінің 2018 жылғы 30 қарашадағы № 799 қаулысына
сәйкес БҰЙЫРАМЫН:

  1. Осы бұйрыққа 1-қосымшаға сәйкес құрамда Қазақстан Республикасы Денсаулық сақтау министрлігінің жанындағы кәсіпкерлік мәселелері жөніндегі сараптамалық кеңес (бұдан әрі – Сараптамалық кеңес) құрылсын.
  2. Осы бұйрыққа 2-қосымшаға сәйкес Қазақстан Республикасы Денсаулық сақтау министрлігі жанындағы кәсіпкерлік мәселелері жөніндегі Сараптамалық кеңес туралы ереже бекітілсін.
  3. Осы бұйрыққа 3-қосымшаға сәйкес Қазақстан Республикасы Денсаулық сақтау министрлігінің кейбір шешімдерінің күші жойылсын.
  4. Қазақстан Республикасы Денсаулық сақтау министрлігінің Заң департаменті осы бұйрық күшіне енген күнінен бастап үш жұмыс күні ішінде оны Қазақстан Республикасы Денсаулық сақтау министрлігінің интернет-ресурсына орналастырсын.
  5. Осы бұйрықтың орындалуын бақылау Қазақстан Республикасы Денсаулық сақтау министрлігі аппаратының басшысы Б.С. Әбділдинге жүктелсін.
  6. Осы бұйрық қол қойылған күнінен бастап күшіне енеді.

 

 

Қазақстан Республикасының

Денсаулық сақтау министрі                                                        А. Цой

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Қазақстан Республикасы

Денсаулық сақтау министрінің

2021 жылғы «    »           

№ _____ бұйрығына

1-қосымша

 

 

Қазақстан Республикасы Денсаулық сақтау министрлігі жанындағы кәсіпкерлік мәселелері жөніндегі сараптамалық кеңес

құрамы

 

  1. Қазақстан Республикасы Денсаулық сақтау министрлігі аппаратының басшысы, төраға.
  2. Қазақстан Республикасы Денсаулық сақтау министрлігі Заң департаментінің директоры, төрағаның орынбасары.
  3. Қазақстан Республикасы Денсаулық сақтау министрлігі Заң департаменті құқықтық сараптама басқармасының сарапшысы, хатшы.
  4. «Атамекен» Қазақстан Республикасының Ұлттық Кәсіпкерлер Палатасы.
  5. «Еуразиялық өнеркәсіптік қауымдастығы» заңды тұлғалар бірлестігі.
  6. «Тұрақты даму үшін табиғат пайдаланушылардың Қазақстандық ассоциациясы» заңды тұлғалар бірлестігі.
  7. «Диализ провайдерлері қауымдастығы» заңды тұлғалар бірлестігі.
  8. «ҚазАлкоТемекі» Қазақстанның алкоголь және темекі өнімдерін адал өндірушілер, импорттаушылар мен сатушыларының Қауымдастығы» заңды тұлғалар бірлестігі.
  9. «Қазақстан Республикасындағы Халықаралық фармацевтикалық өндірушілер Қауымдастығы» заңды тұлғалар бірлестігі.
  10. «Primary Health Care» Ұлттық қауымдастығы» жеке кәсіпкерлер мен заңды тұлғалар бірлестігі.
  11. «Ұлттық денсаулық сақтау палатасы» жеке кәсіпкерлер мен заңды тұлғалар бірлестігі.
  12. «ҚАЗАҚСТАН РЕСПУБЛИКАСЫНЫҢ ФАРМАЦЕВТИКАЛЫҚ ҚЫЗМЕТТІ ҚОЛДАУ ЖӘНЕ ДАМЫТУ ҚАУЫМДАСТЫҒЫ» нысанындағы заңды тұлғалар бірлестігі.
  13. «Стоматологтардың сараптамалық қауымдастығы» республикалық қоғамдық бірлестігі.
  14. «Қазақстанның ФармМедИндустриясы «Қазақстанның фармацевтикалық және медициналық өнімдерін өндірушілер қауымдастығы» заңды тұлғалар бірлестігі.
  15. «Қазақстандық гематолог дәрігерлер қоғамы» республикалық қоғамдық бірлестігі.
  16. «KazWaste» Қазақстандық қалдықтарды басқару жөніндегі қауымдастығы» заңды тұлғалар бірлестігі.
  17. «Қазақстандық білім беруді дамытуды қолдау қауымдастығы» заңды тұлғалар бірлестігі.
  18. «Еуразиялық Медициналық қауымдастығы» қауымдастық нысанындағы заңды тұлғалар бірлестігі.
  19. «KazEnergy» Қазақстан мұнай-газ және энергетика кешені ұйымдарының ассоциациясы» заңды тұлғалар бірлестігі.
  20. «Эстетикалық және пластикалық хирургтардың ұлттық қоғамдық бірлестігі» республикалық қоғамдық бірлестігі.
  21. «QazMed» медицина және онымен сабақтас салалар қызметкерлерінің салалық кәсіподағы» республикалық қоғамдық бірлестігі.
  22. «Қазақстандық медициналық кеңес» медициналық білім беру және ғылым ұйымдарының Қауымдастығы» заңды тұлғалар бірлестігі.
  23. «Қазақстан Мединдустриясы» отандық медициналық бұйымдарды, медициналық өнімдерді өндірушілер одағы» одақ нысанындағы заңды тұлғалар бірлестігі.
  24. «Green Economy» Еуропалық-Азиялық қауымдастығы»  заңды тұлғалар бірлестігі.
  25. «Business to Consumer» эпидемиологиялық маңызы бар объектілер иелерінің одағы жеке кәсіпкерлер мен заңды тұлғалар бірлестігі.
  26. «Медициналық бұйымдарды өндірушілер қауымдастығы» қауымдастық нысанындағы заңды тұлғалар бірлестігі.
  27. «Қазақстан Медициналық Зертханалар Қауымдастығы» заңды тұлғалар бірлестігі.

 

 

 

 

 

 

 

 

 

 

 

 

 

 

 

 

 

 

Қазақстан Республикасы

Денсаулық сақтау министрінің

2021 жылғы «    »           

№ _____ бұйрығына

2-қосымша

 

 

Қазақстан Республикасы Денсаулық сақтау министрлігі

жанындағы кәсіпкерлік мәселелері жөніндегі

Сараптамалық кеңес туралы ереже

 

 

1-тарау. Жалпы ережелер

 

  1. Қазақстан Республикасы Денсаулық сақтау министрлігі жанындағы кәсіпкерлік мәселелері жөніндегі сараптамалық кеңес (бұдан әрі – Сараптамалық кеңес) жұмысты ұйымдастыру үшін Қазақстан Республикасы Денсаулық сақтау министрлігінің (бұдан әрі – Министрлік):

1) кәсіпкерліктің мүдделерін қозғайтын нормативтік құқықтық актілердің жобаларына, Қазақстан Республикасы халықаралық шарттарының, сондай-ақ Қазақстан Республикасы қатысушысы болуға ниеттенетін халықаралық шарттардың жобаларына жеке кәсіпкерлік субъектілерінің аккредиттелген бірлестіктерінен, Қазақстан Республикасы Ұлттық кәсіпкерлер палатасынан (бұдан әрі – Ұлттық палата) міндетті мүше болуға (қатысуға) негізделген өзін-өзі реттейтін ұйымдардан және өзге де коммерциялық емес ұйымдардан сараптама қорытындыларын алу;

2) кәсіпкерлік қолдау және қорғау, оның ішінде әкімшілік кедергілерді жою мақсатында Министрліктің қызметін жетілдіру туралы ұсыныстар әзірлеу;

3) кәсіпкерліктің мүдделерін қозғайтын Қазақстан Республикасының заңнамасын жетілдіру бойынша ұсыныстар әзірлеу жөніндегі консультациялық – кеңесші орган.

  1. Сараптамалық кеңес өз қызметін Қазақстан Республикасының Конституциясына, Кәсіпкерлік кодекске (бұдан әрі - Кодекс), Қазақстан Республикасының өзге де нормативтік құқықтық актілеріне, сондай-ақ осы Ережеге сәйкес жүзеге асырады.
  2. Сараптамалық кеңес мынандай функцияларды жүзеге асырады:

1) Министрліктің әзірлеген және ұсынған, кәсіпкерлік мүдделердің қозғайтын нормативтік құқықтық актілердің жобаларын, Қазақстан Республикасы халықаралық шарттарының, сондай-ақ Қазақстан Республикасы қатысушысы болуға ниеттенетін халықаралық шарттардың жобаларын (бұдан әрі – жоба ) мемлекеттік құпияларды қамтитын нормативтік құқықтық актілердің жобаларын қоспағанда, олар мемлекеттік органдардың ресми интернет-ресурстарын қоса алғанда, бұқаралық ақпарат құралдарына міндетті жариялағаннан (таратылғаннан) кейін қарайды;

2) көрсетілген жобаларға сараптамалық кеңес мүшелерінің сараптамалық қорытындыларын жинақтауды жүзеге асырады;

3) жеке кәсіпкерлікті қолдау және қорғау, оның ішінде әкімшілік кедергілерді жою мақсатында Министрліктің қызметін жетілдіру туралы ұсыныстар әзірлейді.

 

 

2-тарау. Сараптамалық кеңестерді қалыптастыру тәртібі

 

  1. Сараптамалық кеңес құрамы Ұлттық палатаның, міндетті мүшелікке (қатысуға) негізделген өзін-өзі реттейтін ұйымдардың, жеке кәсіпкерлік субъектілерінің бірлестіктері мен заңнамада белгіленген тәртіппен аккредиттелген өзге де коммерциялық емес ұйымдардың, сондай-ақ мемлекеттік органның өкілдерінен қалыптастырылады.

Жеке кәсіпкерлік субъектілерінің аккредиттелген бірлестіктері мен коммерциялық емес ұйымдар мемлекеттік органдар жанындағы сараптамалық кеңес құрамына ұжымдық мүше ретінде кіреді және өкілеттігі сенімхатпен расталатын өз өкілі арқылы әрекет етеді. 

  1. Сараптамалық кеңестің құрылымы төрағадан, оның орынбасарынан, хатышысынан және кеңестің мүшелерінен тұрады.

Сараптамалық кеңестің құрамы Министрдің шешімімен бекітіледі.

 

 

3-тарау. Сараптамалық кеңестер қызметінің тәртібі

 

  1. Сараптамалық кеңестің мүшесі:

1) Сараптамалық кеңестің материалдарына қол жеткізу;

2) Сараптамалық кеңестің отырысына енгізілетін материалдарды талқылауға қатысуы;

3) қаралатын жобалар бойынша Сараптамалық кеңестің отырысын өткізуге және Министрліктің құзыретіне кіретін мәселелерді күн тәртібіне енгізуге бастама жасау;

4) жеке кәсіпкерлікті қолдау және қорғау, оның ішінде әкімшілік кедергілерді жою мақсатында Министрліктің қызметін жетілдіру туралы ұсыныстарды әзірлеу жөнінде ұсыныстар енгізуі;

5) Сараптамалық кеңестің ішкі отырысын өткізуді талап етуі мүмкін.

  1. Заң департаменті Сараптамалық кеңестің жұмысын ұйымдастырушылық-техникалық қамтамасыз етуді жүзеге асыратын Сараптамалық кеңестің жұмыс органы болып табылады.
  2. Сараптамалық кеңестің жұмыс органы:

 

1) Сараптамалық кеңес отырыстарының арасындағы кезеңде оның жұмысын ұйымдастырады;

2) сараптамалық қорытынды алу үшін, оның ішінде осы жобаны мүдделі мемлекеттік органдармен келесі әрбір келісу кезінде кәсіпкерлік субъектілерінің мүдделерін қозғайтын тиісті нормативтік-құқықтық актінің жобасын ашық нормативтік құқықтық актілердің интернет-порталында орналастыру туралы сараптамалық кеңеске және Ұлттық палатаға хабарлама жібереді және нормативтік құқықтық актінің жобасын мемлекеттік органның ресми интернет-ресурсында орналастырады*;

3) Сараптамалық кеңестің отырысына енгізілетін жобалар бойынша материалдар дайындауды жүзеге асырады;

4) Сараптамалық кеңес отырысының қорытындылары бойынша хаттама дайындауды және оған қол қоюды қамтамасыз етеді;

5) Сараптамалық кеңес өткізілгенге дейін кемінде он жұмыс күні қалғанда сараптамалық кеңестің мүшелеріне Сараптамалық кеңестің өткізілетін жері, уақыты және күн тәртібі туралы хабарлайды және оларды қажетті материалдармен қамтамасыз етеді;

6) Сараптамалық кеңес отырысының шешімдері бекітілген күннен бастап бес жұмыс күні ішінде сараптамалық кеңестің мүшелеріне хаттама көшірмесін жолдайды*.

* Сараптамалық қорытынды алу үшін кәсіпкерлік субъектілерінің мүдделерін қозғайтын тиісті нормативтік-құқықтық актінің жобасын ашық нормативтік-құқықтық актілердің интернет-порталында орналастыру туралы хабарламаны сараптамалық кеңеске және Ұлттық палатаға жіберуді және осы жобаны мемлекеттік органның ресми интернет-ресурсында орналастыруды, сондай-ақ сараптамалық кеңестің отырысына шығарылатын жобалар бойынша материалдарды дайындауды жүзеге асыруды әзірлеуші Министрліктің құрылымдық бөлімшелері жүзеге асыруы мүмкін.

Нормативтік-құқықтық актіні бірнеше мемлекеттік орган бірлесіп қабылдаған жағдайда, сараптамалық қорытынды алу үшін сараптамалық кеңестерге және Ұлттық палатаға кәсіпкерлік субъектілерінің мүддесін қозғайтын тиісті бірлескен нормативтік құқықтық акт жобасының ашық нормативтік құқықтық актілердің интернет-порталында орналастырылғаны туралы хабарлама жіберуді, сондай-ақ нормативтік-құқықтық актінің бірлескен жобасын мемлекеттік органның ресми интернет-ресурсында орналастыруды осы нормативтік құқықтық актіні әзірлеуге бастамашылық жасаған әзірлеуші мемлекеттік орган жүзеге асырады.

  1. Сараптамалық кеңестің төрағасы Сараптамалық кеңестің жұмысына басшылықты жүзеге асырады, Сараптамалық кеңестің кезекті отырысының күн тәртібін бекітеді, қажет болған жағдайда оның отырысын шақырады.

Сараптамалық кеңестің төрағасы болмаған жағдайда оның функцияларын орынбасары орындайды.

  1. Сараптамалық кеңес шешімдері Қазақстан Республикасы Үкіметінің 2015 жылғы 28 желтоқсандағы № 1090 қаулысымен бекітілген Жеке кәсіпкерлік мәселелері жөніндегі сараптамалық кеңес туралы үлгілік ережеге қосымшаға сәйкес нысан бойынша хаттама түрінде ресімделеді.

Хатшы Сараптамалық кеңес мүшесі болып табылмайды және Сараптамалық кеңес шешімдер қабылдаған кезде дауыс беруге құқығы жоқ.

Осы хаттама Сараптамалық кеңестің мүшелеріне жіберіледі және жобаға міндетті қосымша болып табылады.

  1. Сараптамалық кеңес отырыстары қажеттілігіне қарай өткізіледі.
  2. Жобаларды қарауды Сараптамалық кеңес осы Ереженің 15-тармағында көзделген жағдайды қоспағанда, оны Сараптамалық кеңестің мүшелеріне жіберу арқылы отырыс өткізбестен жүзеге асыруы мүмкін.
  3. Егер жеке кәсіпкерлік субъектілерінің мүдделерін қозғайтын мәселе Министрліктің құзыретіне жататын болса, осындай кез келген мәселе сараптамалық кеңестің қарауына шығарылуы мүмкін.
  4. Сараптамалық қорытынды жеке кәсіпкерлік субъектілерінің аккредиттелген бірлестіктері, Ұлттық палата мүшелерінің жинақталған пікірін білдіреді, ұсынымдық сипатта болады және жоба қабылданғанға дейін оның ішінде осы жобаны мүдделі мемлекеттік органдармен келесі әрбір келісу кезінде жобаға міндетті қосымша болып табылады.

Сараптамалық қорытынды қазақ және орыс тілдерінде беріледі.

  1. Жеке кәсіпкерлік субъектілерінің аккредиттелген бірлестіктері, Ұлттық палата жоба бойынша ескертулері бар сараптамалық қорытынды берген және сараптамалық кеңес мүшесі Сараптамалық кеңес отырысын өткізуді талап еткен жағдайларда, мұндай отырыстың өткізілуі міндетті болып табылады.

Бұл ретте Сараптамалық кеңестің отырыстары Сараптамалық кеңес мүшелерін тікелей шақыру не нақты уақыт режимінде интернет-конференция өткізу арқылы өткізілуі мүмкін.

  1. Министрлік сараптамалық қорытындымен келіскен жағдайда, жобаға тиісті өзгерістер және (немесе) толықтырулар енгізеді.

Министрлік сараптамалық қорытындымен келіспеген жағдайда, жеке кәсіпкерлік субъектілерінің аккредиттелген бірлестіктеріне, Ұлттық палатаға келіспеу себептерінің негіздемесі бар жауап жібереді. Негіздемесі бар мұндай жауаптар жоба қабылданғанға дейін оған міндетті қосымша болып табылады.

Жобаға Кодекстің 65-бабы 1-тармағының екінші бөлігіне сәйкес Министрлік белгілеген мерзімде сараптамалық қорытынды ұсынылмаған жағдайда, жоба ескертусіз келісілді деп есептеледі.

  1. Сараптамалық кеңес мүшелерінің және Ұлттық палатаның нақты орналасқан жері, сондай-ақ олардың байланыс деректері (пошталық мекенжайы немесе электрондық поштасының мекенжайы немесе телефон нөмірі және басқалары) қайта аталған, өзгерген жағдайда сараптамалық кеңес мүшелері және Ұлттық палата осы жағдай басталған сәттен бастап 3 жұмыс күні ішінде Министрліктің жұмыс органын хабардар етеді.

Қазақстан Республикасы

Денсаулық сақтау министрінің

2021 жылғы «    »           

№ _____ бұйрығына

3-қосымша

 

 

Қазақстан Республикасы Денсаулық сақтау министрлігінің

кейбір бұйрықтарының күшін жою

 

  1. «Қазақстан Республикасы Денсаулық сақтау министрлігі жанындағы кәсіпкерлік мәселелері жөніндегі сараптамалық кеңес құру туралы» Қазақстан Республикасы Денсаулық сақтау министрінің 2017 жылғы 18 сәуірдегі № 171 бұйрығы;
  2. «Қазақстан Республикасы Денсаулық сақтау министрлігі жанындағы кәсіпкерлік мәселелері жөніндегі сараптамалық кеңес құру туралы» Қазақстан Республикасы Денсаулық сақтау министрінің 2017 жылғы 18 сәуірдегі № 171 бұйрығына өзгерістер енгізу туралы» Қазақстан Республикасы Денсаулық сақтау министрінің 2017 жылғы 27 қыркүйектегі № 794 бұйрығы;
  3. «Қазақстан Республикасы Денсаулық сақтау министрлігі жанындағы кәсіпкерлік мәселелері жөніндегі сараптамалық кеңес құру туралы» Қазақстан Республикасы Денсаулық сақтау министрінің 2017 жылғы 18 сәуірдегі № 171 бұйрығына өзгерістер енгізу туралы» Қазақстан Республикасы Денсаулық сақтау министрінің 2018 жылғы 5 мамырдағы № 233 бұйрығы.

 

 

Согласовано

24.09.2021 08:30 Касымжанова Тота Базарбековна

24.09.2021 16:30 Бозанова Аина Набиевна

25.09.2021 11:03 Амиргалиев Еркинбек Рахимбаевич

27.09.2021 08:45 Темирханов Серикболсын Темирханович

27.09.2021 15:43 Абдильдин Батырбек Султанович

Подписано

30.09.2021 10:40 Цой Алексей Владимирович

Қазақстан Республикасы Денсаулық сақтау министрлігі жанындағы кәсіпкерлік мәселелері жөніндегі сараптамалық кеңес құру туралы
Дата публикации
04 октября 2021