Елде қалыптасқан эпидемиологиялық жағдайды ескере отырып, Қазақстан Республикасының Денсаулық сақтау министрлігі вакцинаны сақтауға арналған ультра төмен температуралы тоңазытқыштарды сатып алуды жүзеге асыруға ниетті.
Осы арқылы нарықты және ықтимал сатып алуды зерделеу мақсатында вакцинаны сақтауға арналған ультра төмен температуралы тоңазытқыштарды жеткізу бойынша қолда бар мүмкіндік туралы ақпаратты ұсынуды сұраймыз, оған мынадай ақпарат кіреді:
- зертханалық қызметке арналған ультра төмен температуралы тоңазытқыштардың модельдері және олардың өндірушілері туралы ақпарат,
- Жабдықтың техникалық ерекшелігі,
- жеткізу саны,
- жеткізу мерзімі,
- зертханалық қызмет үшін ультра төмен температуралы тоңазытқыштардың құны.
Қажетті жеткізу мерзімі-келісімшартқа қол қойылған күннен бастап 30 күн.
Егжей-тегжейлі техникалық ерекшелік электрондық поштаға ресми жазбаша өтінішті электрондық мекенжайға бергеннен кейін сауда-саттыққа мүдделі қатысушыларға pdf форматында электрондық пошта арқылы жіберілетін болады: m.uristenov@dsm.gov.kz.
Ақпаратты төмендегі электронды пошта арқылы жіберулеріңізді сұраймыз: адрес: m.uristenov@dsm.gov.kz 4.10.2021 жылғы сағат 19-00 - ге дейін.