Қазақстан Республикасында балаларға кешенді көмек көрсетуді жетілдірудің 2020 – 2022 жылдарға арналған жол картасын бекіту туралы
- Қазақстан Республикасында балаларға кешенді көмек көрсетуді жетілдірудің 2020 – 2022 жылдарға арналған жол картасы (бұдан әрі – Жол картасы) бекітілсін.
- Жол картасын орындауға жауапты Қазақстан Республикасының орталық және жергілікті атқарушы органдары, өзге де мемлекеттік органдар және квазимемлекеттік сектор субъектілері және ұйымдар (келісу бойынша):
1) Жол картасында көзделген іс-шаралардың уақтылы орындалуын қамтамасыз етсін;
2) Жол картасының іске асырылу барысы туралы ақпаратты Қазақстан Республикасының Денсаулық сақтау министрлігіне есепті жылдан кейінгі айдың 10-шы күнінен кешіктірмей берсін.
- Қазақстан Республикасы Денсаулық сақтау министрлігі министрлігі есепті жылдан кейінгі айдың 25-ші күнінен кешіктірмей Қазақстан Республикасының Үкіметіне Жол картасының іске асырылу барысы туралы ақпарат ұсынуды қамтамасыз етсін.
- Осы өкімнің орындалуын бақылау Қазақстан Республикасы Денсаулық сақтау министрлігіне жүктелсін.
Премьер-Министр А. Мамин