Қолданыстағы реттегіш құралдарды
қайта қараудың 2021 жылға арналған
жоспарын бекіту туралы
Қазақстан Республикасы Кәсіпкерлік Кодексінің 83-бабының 2-тармағына, Қазақстан Республикасы Ұлттық экономика министрінің 2015 жылғы 30 қарашадағы № 748 бұйрығымен (Қазақстан Республикасы нормативтік құқықтық актілерінің мемлекеттік тізілімінде № 99377 болып тіркелген) бекітілген Реттегіш құралдардың реттеушілік әсерін талдауды жүргізу және пайдалану қағидаларының 12-тармағына сәйкес БҰЙЫРАМЫН:
- Осы бұйрыққа қосымшаға сәйкес Қолданыстағы реттегіш құралдарды қайта қараудың 2021 жылға арналған жоспары (бұдан әрі – Жоспар) бекітілсін.
- Қазақстан Республикасы Денсаулық сақтау министрлігінің Ғылым және адами ресурстар департаменті, Медициналық және фармацевтикалық бақылау комитеті:
1) Жоспарда белгіленген мерзімдерде қолданыстағы реттегіш құралдарды қайта қарауды;
2) Заң департаментіне осы тармақтың 1) тармақшасының орындалуы туралы ақпарат ұсынуды қамтамасыз етсін.
- Қазақстан Республикасы Денсаулық сақтау министрлігінің Заң департаменті осы бұйрықты Қазақстан Республикасы Денсаулық сақтау министрлігінің интернет-ресурсында заңнамада белгіленген мерзімдерде орналастыруды қамтамасыз етсін.
- Осы бұйрықтың орындалуын бақылау Қазақстан Республикасы Денсаулық сақтау министрлігі жауапты хатшысының міндетін атқарушы З.С. Байғаскинаға жүктелсін.
- Осы бұйрық қол қойылған күнінен бастап күшіне енеді.
Министр А. Цой