Мемлекеттік қызметтер туралы

Жетісу облысының санитариялық – эпидемиологиялық бақылау департаменті (бұдан әрі – Департамент) және оның аумақтық басқармалары халықтың санитариялық – эпидемиологиялық саламаттылығы саласындағы мемлекеттік қызметтерді Қазақстан Республикасы Денсаулық сақтау министрінің «Халықтың санитариялық-эпидемиологиялық саламаттылығы саласындағы мемлекеттік қызметтерді көрсетудің кейбір мәселелері туралы» 2020 жылғы 30 желтоқсандағы №ҚР ДСМ-336/2020 бұйрығына сәйкес көрсетеді.

Аталған бұйрыққа сәйкес келесі мемлекеттік қызметтер түрін алуға болады:

• Эпидемиялық мәні жоғары объектінің халықтың санитариялық-эпидемиологиялық саламаттылығы саласындағы нормативтік құқықтық актілерге сәйкестігі туралы санитариялық-эпидемиологиялық қорытынды беру,
• Қоршаған ортаға зиянды заттар мен физикалық факторлардың жол берілетін шекті шығарындылары мен жол берілетін шекті төгінділері, санитариялық қорғау аймақтары мен санитариялық-қорғаныш аймақтары бойынша нормативтік құжаттама жобаларының, шикізат пен өнімнің жаңа түрлерінің халықтың санитариялық-эпидемиологиялық саламаттылығы саласындағы нормативтік құқықтық актілерге сәйкестігі туралы санитариялық-эпидемиологиялық қорытынды беру,
• Халықтың санитариялық-эпидемиологиялық саламаттылығы саласындағы мемлекеттік бақылау мен қадағалауға жататын тамақ өнімін өндіру объектілеріне есепке алу нөмірлерін беру,
• Патогенді биологиялық агенттермен жұмыс істеуге рұқсатты және оған қосымшаны беру.

Мемлекеттік қызметтер «Электрондық үкімет» www.elicense.kz веб-порталы  арқылы көрсетіледі және мемлекеттік көрсетілетін қызметінің негізгі талаптарының тізбелері жоғарыда аталған бұрықта жазылған.

Бұл ретте, қызмет алушы бұйрықты Қазақстан Республикасы нормативтік құқықтық актілерінің ақпараттық-құқықтық жүйесінен жүктеп алып таныса алады. Сондай – ақ, Департаменттің және оның аумақтық басқармаларында өзіне – өзі қызмет көрсету бұрышы көзделген. Егер, мемлекеттік қызметтерді алу кезінде сұрақтар туындаған жағдайда қызмет алушы Департаментке немесе оның аумақтық басқармаларына кеңес алу үшін жүгіне алады.