Өнімді таңдау кезінде тұтынушылар негізінен қаптамаға және оған жазылған ақпаратқа назар аударады. Өнімді таңдау кезінде қаптамадағы ақпарт бізге қалай көмектеседі?
Ең алдымен, қаптама шикізат пен дайын өнімді орналастыру, тасымалдау, тиеу, жеткізу, сақтау үшін қолданылатын өнім екенін білуіңіз керек. Қолданылатын материалға байланысты қаптама: металл, полимер, қағаз, картон, шыны, ағаш, аралас және тоқыма материалдары, сондай-ақ керамика болуы мүмкін.
Қаптама қандай болуы керек? Біріншіден, қаптама қауіпсіз, ыңғайлы, өніммен үйлесімді болуы және де өнімнің жарамдылық мерзімі аяқталғанға дейін оның қауіпсіздігін қамтамасыз етуі керек. Сондай-ақ, техникалық регламенттер мен қолданыстағы заңнама талаптарына сәйкес болуы қажет.
Сонымен қатар, дүкенде тауарды сату кезінде қаптамасы таза, зақымданбаған, майыспаған, сызаттарсыз, дақтарсыз болуы керек.
Қаптаманы қауіпсіз ету үшін қандай шаралар қабылданды?
Қаптаманың қауіпсіздігін қамтамасыз ету үшін 2012 жылдың шілдесінен бастап Кеден одағының 005/2011 «Қаптаманың қауіпсіздігі туралы» техникалық регламенті күшіне енді. Бұл техникалық регламент қаптаманың өзіне қойылатын талаптарды, оны сақтау, тасымалдау, жою процестерін белгілейді.
Қаптамаға қойылатын талаптардың бірі тамақ өнімдерімен жанасуға арналған қаптамаға немесе өнімнің затбелгісінде қаптаманың тамақ өнімдерін сақтауға, жасалған материал және оны жою мүмкіндігі арналғанын білдіретін жазулар, белгілер мен символдардың болуы тиіс.
Құрметті тұтынушылар! Жетісу облысының санитариялық-эпидемиологиялық бақылау департаменті өнімді таңдау кезінде оның таңбалануына ғана емес, сонымен қатар ол орналасқан қаптамаға да назар аударуды ұсынады. Егер қаптамада жоғарыда көрсетілген таңбалар болмаса, қаптама таза емес, бұзылған болса, онда мұндай өнімді сатып алудан бас тартқан жөн.
Өз денсаулығыңызды қорғаңыз!