Парфюмерлік-косметикалық өнімдердің қауіпсіздігі.

Нарық тұтынушыларға парфюмерлік-косметикалық өнімдердің үлкен ассортиментін ұсынады. Бұл өнімді сатып алғанда, сапалы және қауіпсіз өнімді таңдауға мүмкіндік беретін өнімнің таңбалауына назар аудару керек. Кейбір косметикалық препараттарды қолдану адамның сыртқы келбетін жақсарту ғана емес, сонымен қатар қауіп-қатер болып табылады. Егер өнімнің таңбалануын мұқият оқымасаңыз, тәжірибе көрсеткендей, олар терінің тітіркенуін, байланыс дерматитін және т.б. тудыруы мүмкін. Парфюмерлік-косметикалық өнімді таңбалау «Парфюмерлік-косметикалық өнімнің қауіпсіздігі туралы» Техникалық регламенттің қосымшаларында көрсетілген таңбалауға қойылатын талаптарды ескере отырып, тұтынушы ыдысына, заттаңбасына, жапсырмасына жазулар, цифрлық, түсті және графикалық белгілер түрінде тұтынушыға ақпарат салу жолымен жүргізіледі. Сапалы өнімді таңдау үшін қаптаманың сыртқы түрін, қаптамада, өнімнің затбелгісінде немесе жапсырма парағында орналастырылған өнім туралы ақпаратты зерделеу қажет, ол өз кезегінде өнім туралы келесі мәліметтерді қамтуы тиіс: - атауы және оның мақсаты; - дайындаушының атауы және оның орналасқан жері, дайындаушының тұтынушыдан шағымдарды қабылдауға уәкілеттік берген ұйымның атауы және орналасқан жері - балаларға арналған косметикада таңбалауда тиісті ақпарат болуы керек - шығарылған күні (айы, жылы) және жарамдылық мерзімі (айы, жылы), - егер бұл шарттар стандарттыдан өзгеше болса, сақтау шарттарының сипаттамасы; - тұтыну ыдысындағы өнімнің номиналды саны - өнімді қолдану кезіндегі ерекше сақтық шаралары (қажет болған жағдайда); - парфюмерлік өнімдерді қолдану тәсілдері туралы мәліметтер; - жағымсыз салдардың алдын алу үшін ингредиенттер тізімі/өнім құрамы — Кеден одағына (ЕАС) мүше мемлекеттердің нарығында өнім айналысының бірыңғай белгісі. - Мемлекеттік тілдегі немесе косметикалық ингредиенттердің халықаралық номенклатурасына (INCI) сәйкес ингредиенттер тізімі. Көрсетілген ақпараттың болмауы тауардың шығу орнын, оның сапасы мен қауіпсіздігіне күмән келтіреді. Сатушыда өнімнің қауіпсіздігін растайтын құжаттардың бар-жоғын нақтылаңыз. Айналымға шығар алдында парфюмерлік-косметикалық өнім мемлекеттік тіркеу немесе декларациялау нысанында сәйкестікті бағалау рәсімінен өтеді. Сатып алу орындарын мұқият таңдаңыз. Парфюмерлік және косметикалық өнімдерді қолдан немесе заңсыз сауда орындарында емес, тек мамандандырылған дүкендерде сатып алған жөн. Оның сәйкестік туралы құжаты міндетті түрде болуы тиіс.

ЕСІҢІЗДЕ БОЛСЫН, парфюмерлік-косметикалық бұйымдар сіздің денсаулығыңыз бен хал-жағдайыңызға тікелей әсер етеді!