Мектептегі дұрыс тамақтану: ол қандай болуы керек және неге маңызды
Мектепте болған кезде балалардың ыстық тағамы олардың денсаулығы мен тиімді оқу қабілетін сақтаудың маңызды шарттарының бірі болып табылады.
Мектептегі тамақтану тек дәмді және пайдалы ғана емес, сонымен қатар ұтымды және қауіпсіз болуы керек.
Жалпы білім беретін ұйымдарда бірінші ауысымның білім алушылары үшін бір, екі реттік тамақ-екінші таңғы ас немесе екінші таңғы ас және түскі ас, екінші ауысымның білім алушылары үшін – бесін ас, ұзартылған күн топтары үшін – екінші таңғы ас, түскі ас және бесін ас ұйымдастыру қажет.
Балалардың тәулік бойы болатын кезде кемінде бес рет тамақтану көзделуге тиіс.
Таңғы ас ыстық тағамнан (бірінші немесе екінші) және ыстық сусыннан, жұмыртқадан, сары май немесе ірімшік қосылған бутербродтан тұруы керек.
Екінші таңғы асқа шырындар, жемістер көзделеді.
Түскі асқа салат, бірінші-екінші тағам (негізгі тағам еттен, балықтан немесе гарнирі бар құс етінен) және үшінші (компот, кисель, шай және шырындар) кіруі керек. Салаттар оңай жасалатын болуы керек және пісірілген және жас көкөністермен дайындалады.
Бесін аста мәзірге тоқашпен немесе кремі жоқ кондитерлік өнімдермен бірге сусын (сүт, сүт қышқылы өнімі, кисель, шырындар) кіреді.
Кешкі ас көкөніс (сүзбе) тағамынан немесе ботқадан, негізгі екінші тағамнан (ет, балық немесе гарнирі бар құс еті), сусыннан (шай, шырын, компот, кисель) тұруы керек.
Қосымша екінші кешкі ас ретінде жемістер немесе сүт қышқылы өнімдерді, тоқаш немесе кремі жоқ кондитерлік өнімдерді қосыңыз.
Бұл ретте білім беру объектілерінде тамақ ішу арасындағы аралық 3,5-4 сағаттан аспауға тиіс.
Департамент дұрыс және теңдестірілген тамақтану, сондай-ақ тамақтану режимін сақтау баланың өсуіне, дамуына және көптеген жылдар бойы денсаулығын сақтауға көмектесетініне назар аударады.