Вирусный гепатит В. Меры профилактики

В вирустық гепатиті. Алдын алу шаралары

    В вирустық гепатиті — қан және басқа да биологиялық сұйықтықтар арқылы берілетін бауырдың жұқпалы ауруы. Ауру созылмалы түрге ауысып, бауыр циррозы мен обырына алып келуі мүмкін.

    Инфекция көзі – науқас адам немесе вирус тасымалдаушысы. Ауру белгілері байқалмайтын адамдар да айналасындағыларға қауіп төндіреді.

      Вирус қан және адамның басқа биологиялық сұйықтықтары арқылы беріледі.

      Инфекцияның негізгі берілу жолдары:

• стерильденбеген медициналық және косметологиялық құралдарды пайдалану;
• жыныстық жол;
• анадан балаға берілу;
• жеке бас гигиенасына арналған ортақ заттарды пайдалану.

    В гепатиті вирусы сыртқы ортада өте төзімді және ұзақ уақыт бойы жұқпалы қасиетін сақтай алады.

    Инкубациялық кезең 1 айдан 6 айға дейін созылуы мүмкін. Ауру келесі белгілермен қатар жүруі мүмкін:

• әлсіздік;
• жүрек айну;
• тәбеттің төмендеуі;
• оң жақ қабырға астындағы ауырсыну;
• тері мен көздің сарғаюы.

     Алдын алудың негізгі шарасы – вакцинация. Қазақстан Республикасында В гепатитіне қарсы профилактикалық егулер Ұлттық егу күнтізбесіне енгізілген және балаларға өмірінің алғашқы күндерінен бастап жүргізіледі.

    Жұқтырудың алдын алу үшін:

• жеке бас гигиенасын сақтау;
• тек стерильді құралдарды пайдалану;
• бөтен адамның ұстарасын, маникюр құралдарын және тіс щеткасын қолданбау;
• тек лицензиясы бар медициналық және косметологиялық ұйымдарға жүгіну қажет.

     Еске саламыз, уақтылы вакцинация алу және алдын алу шараларын сақтау денсаулықты қорғауға және В вирусты гепатитінің таралуының алдын алуға көмектеседі.