Шаштараз және сұлулық салондарындағы қауіпсіздік

Сұлулық-бұл стиль ғана емес, сонымен қатар Сіздің денсаулығыңыз үшін жауапкершілік.
Салон немесе шаштараздарға барғанда, татуировка, маникюр, педикюр, пирсинг немесе пышақпен қырыну кезінде есте ұстаған жөн: құралдарды сапасыз өңдеу В және С гепатиттерімен, саңырауқұлақ ауруларымен, герпеспен, стафилококкпен, қышымамен, педикулезбен және басқа да инфекцияға әкелуі мүмкін.

 Косметикалық және шаштараз қызметтері көрсетілетін объектілерге қойылатын барлық талаптар санитариялық ережелерде көрсетілген
«Коммуналдық мақсаттағы объектілерге қойылатын санитариялық-эпидемиологиялық талаптар»,
7-тарау - «Халыққа косметикалық және шаштараз қызметтерін көрсету объектілеріне қойылатын санитариялық-эпидемиологиялық талаптар»,
ҚР Денсаулық сақтау министрінің 26.06.2022 жылғы № ҚР ДСМ-67 бұйрығымен бекітілген.

Осы Ережелерге сәйкес әр салонда болуы керек:
 жайлылық температурасы және үй жайлардың тазалығы;
 жақсы жарықтандыру және эстетикалық көрініс;
 ыстық және суық суы бар раковиналардың болуы;
 бір реттік құралдар мен материалдардың қорлары;
 міндетті дезинфекциялау, зарарсыздандыру алдындағы тазалау және рәсімдерден кейін құралдарды зарарсыздандыру;
  ️ жеке медициналық кітапшалары және жұмысқа рұқсаты бар шеберлер;
 қолданылатын косметикалық өнімдердің қауіпсіздігін растайтын құжаттар.

Косметикалық құралдардың қауіпсіздігі Кеден одағының 009/2011 «Парфюмерлік-косметикалық өнімдердің қауіпсіздігі туралы» техникалық регламентімен реттеледі (КО ТР 009/2011).
Бұл ереже косметиканың құрамына, сапасына, қаптамасына және таңбалануына қойылатын талаптарды белгілейді.

Сату немесе пайдалану алдында әрбір өнім КО ТР талаптарына сәйкестігін бағалаудан өтеді.
Егер тауар мемлекеттік тіркеуге жататын тізбеге кірмесе, сәйкестікті декларациялау жүргізіледі.
Мемлекеттік тіркеу Кеден одағы елдерінде өндірілген өнім үшін де, импортталатын өнім үшін де міндетті.

 Әрбір клиент қолданылатын косметика мен құралдардың қауіпсіздігін растайтын құжаттарды талап етуге құқылы.

 Және есіңізде болсын:
Шебердің үйінде маникюр немесе педикюр жасамаңыз-бұл сұлулық үшін ғана емес, денсаулық үшін де қауіп!

 Сіздің денсаулығыңыз бен сұлулығыңыз-сіздің қолыңызда!