Астана қаласының санитариялық-эпидемиологиялық бақылау департаменті (бұдан әрі-Департамент) және департаменттің барлық аудандық басқармалары жеке және заңды тұлғалардың өтініштерін "e-otinish" бағдарламасы, "е-gov" электрондық үкімет веб-порталы арқылы және қолма-қол қабылдауды жүзеге асырады.
Жеке және заңды тұлғалар, сондай-ақ мемлекеттік органдар мемлекеттің, жеке және заңды тұлғалардың заңды мүдделеріне, адам денсаулығына, өміріне және қоршаған ортаға зиян келтірудің нақты фактілері, сондай-ақ Қазақстан Республикасы заңнамасының талаптарын бұзу бойынша дәлелді негіздер мен растайтын дәлелдемелерді(зертханалық зерттеулер, аспаптық өлшеулер хаттамасы, фото-бейне-материалдар және т. б.) қоса бере отырып "e-otinish" бағдарламасы, "е-gov" электрондық үкімет веб-порталы арқылы және қолма-қол жүгіне алады, бұл фактілер бақылау және қадағалау субъектілеріне/объектілеріне жоспардан тыс тексеру жүргізу үшін негіз бола алады.