"Санитарлық-эпидемиологиялық мониторинг жүргізу туралы" 2022 жылдың 20.06. №183 бұйрығы

2022 жылдың 20.06. №183 бұйрығы

Санитарлық-эпидемиологиялық мониторинг жүргізу туралы

«Халық денсаулығы және денсаулық сақтау жүйесі туралы» 2020 жылғы 7 шілдедегі Қазақстан Республикасы Кодексінің 114-бабының 5-тармағына сәйкес Қазақстан Республикасы Денсаулық сақтау министрінің 2020 жылғы 13 қарашадағы № ҚР ДСМ – 193/2020 «Санитариялық-эпидемиологиялық мониторинг жүргізу қағидаларын бекіту туралы» бұйрығын (бұдан әрі - Қағидалар) орындау мақсатында БҰЙЫРАМЫН:

  1. Алматы ауданының (Шаймерденова Г.Т.), Байқоңыр ауданының (Абайұлы Ш.), Есіл ауданының (Құрбанов А. С.), Сарыарқа ауданының (Икласова С. С.) санитарлық-эпидемиологиялық бақылау басқармаларының басшылары осы Қағидалардың 1-6-қосымшаларына сәйкес бекітілген нысандар бойынша есептілікті уақтылы және сапалы ұсынуға жауапты болып белгіленсін.
  2. Департаменттің аумақтық басқармалары осы бұйрытың 1-қосымшасына сәйкес көрсетілген мерзімде санитариялық-эпидемиологиялық мониторингтің қадағаланатын параметрлері бойынша есептілікті ұсынуды қамтамасыз етсін.
  3. Инфекциялық және паразиттік ауруларды эпидемиологиялық бақылау басшысының м.а. (Шатаева Н. Т.), аса қауіпті инфекцияларды және туберкулезді эпидемиологиялық қадағалау бөлімінің басшысы(Естияр Ж.А.) коммуналдық объектілерді бақылау және қадағалау бөлімінің (Кашкенова А. А.), өнеркәсіптік, радиациялық қауіпті объектілерді бақылау және қадағалау бөлімінің (Калиева Г. А.), тамақтану объектілерін бақылау және қадағалау бөлімінің (Гартман Е. Ф.), білім беру және тәрбиелеу объектілерін бақылау және қадағалау бөлімінің (Жумагулова А.О.), басшылары және ауруханаішілік инфекцияларды бақылау бөлімі басшысының м. а. (Чо-Зо-И А. В.):

1) аудандық басқармалары ұсынған ақпаратты жинауды және жүйелеуді жүргізеді, тексерулер нәтижелері бойынша өз құзыреті шегінде жүргізілген іс-шаралар бөлігінде ақпаратты толықтырады;

2)  сырқаттанушылықтың пайда болуының (көрсеткіштердің көбеюі) сыртқы орта объектілерінің (өнімдер, су, ауа, топырақ) ластануымен байланысын растау мақсатында ұсынылған ақпаратқа талдау жүргізу жолымен тіршілік ету ортасы факторлары әсерлерінің себеп-салдарлы байланыстарын анықтайды;

3) осы факторлар бойынша тәуекелдерге уақтылы бағалау жүргізу және халықтың өмірі мен денсаулығына қауіп-қатердің пайда болуының алдын алу мақсатында халық денсаулығының бұзылу тәуекелінің жетекші факторларын іріктеуді жүргізеді;

4) сырқаттанушылықтың артуының алдын алуға бағытталған жоспарланған іс-шараларды уақтылы дайындау және тиімділігі мақсатында тиісті аумақта сырқаттанушылық, халық денсаулығының және адамның тіршілік ету ортасының жағдайын болжауды жүзеге асырады;

         5) халықтың санитариялық-эпидемиологиялық саламаттылығы саласындағы заңнаманың бұзылуын жою туралы санитариялық-эпидемиологиялық қадағалау саласындағы актілерді шығару, ақпаратты мүдделі мемлекеттік органдар мен жергілікті өзін-өзі басқару органдарына (қажет болған жағдайда) жіберу, коммуникативтік жұмысты жүргізу жолымен халық денсаулығына зиянды факторлардың әсер етуінің алдын алу және оларды жою бойынша шұғыл және ұзақ мерзімді іс-шараларды айқындайды;

         6) Қағидалардың  2 қосымшасына сәйкес мерзімдерде Қазақстан Республикасы Денсаулық сақтау министрлігінің «Қоғамдық денсаулық сақтау ұлттық орталығы» шаруашылық жүргізу құқығындағы республикалық мемлекеттік кәсіпорнының «Санитариялық-эпидемиологиялық сараптама және мониторинг ғылыми-практикалық орталығы"» филиалы (бұдан әрі – "ҚДСҰО" ШЖҚ-дағы РМК "СЭСжМҒПО") жүргізген санитариялық-эпидемиологиялық мониторинг бойынша талдауды және жиынтық ақпаратты жолдасын;

7).  Департаменттің ресми интернет-ресурсына орналастыру үшін жартыжылдық, жыл қорытындылары бойынша санитариялық-эпидемиологиялық мониторинг нәтижелерін ұсынуды қамтамасыз етсін.

  1. Жұртшылықпен байланыс жөніндегі бас маман (Қалқабекова А.С.) Департаменттің ресми интернет-ресурсында жартыжылдық, жыл қорытындылары бойынша санитариялық-эпидемиологиялық мониторинг нәтижелері жөніндегі ақпаратты орналастыруды қамтамасыз етсін.
  2. Алматы ауданының санитарлық-эпидемиологиялық бақылау басқармаларының (Шаймерденова г. Т.), Байқоңыр ауданының (Абайұлы Ш.), Есіл ауданының (Құрбанов А. С.), Сарыарқа ауданының (Икласова С. С.), ұйымдастыру жұмысы және қызметті талдау бөлімінің (Омарова М. А.) басшылары тиісті аумақта санитариялық-эпидемиологиялық мониторингтің деректер базасын қалыптастыруды және деректерді сақтауды жүзеге асырсын.
  3. Жетекшілік ететін департаменті басшысының орынбасарлары (Ж.К. Пралиева, А. К. Шагалтаева, Г. Ж. Тагаева) Қазақстан Республикасы Денсаулық сақтау министрінің 2020 жылғы 13 қарашадағы № ҚР ДСМ-193/2020 «Санитариялық-эпидемиологиялық мониторинг жүргізу қағидаларын бекіту туралы» бұйрығының уақтылы орындалуын бақылауға алынсын.
  4. Бұйрық қол қойылған күнінен бастап күшіне енеді.
  5. Бұйрықтың орындалуын бақылауды өзіме қалдырамын.

Басшы                                                                        С. Бейсенова

 

Дата публикации
20 июня 2022