"Сыбайлас жемқорлыққа қарсы заңнаманы сақтау" тақырыбында онлайн-семинар өтті
Ағымдағы жылғы 6 маусымда Сыбайлас жемқорлық құқық бұзушылықтар мен олардың көріністерінің профилактикасы және алдын алу мақсатында Нұр-Сұлтан қаласы Санитариялық-эпидемиологиялық бақылау департаментінің ұйымдастыруымен ҚР Сыбайлас жемқорлыққа қарсы іс-қимыл агенттігінің, Нұр-Сұлтан қаласы бойынша департаменті превенция басқармасының бас маманы Айгерім Аңсағановамен қоса аудандық санитариялық-эпидемиологиялық бақылау басқармаларының мамандары арасында "Сыбайлас жемқорлыққа қарсы заңнаманы сақтау" тақырыбында онлайн-семинар өткізілді.
Семинар барысында мамандар сыбайлас жемқорлық қылмыстары және мемлекеттік органдардың лауазымды тұлғаларын қылмыстық жауапкершілікке тарту фактілері бойынша материалдармен танысты.
Сондай-ақ, сыбайлас жемқорлықтың алдын алу, сыбайлас жемқорлыққа қарсы дүниетанымды қалыптастыру бойынша пәрменді шаралар қабылдау қажеттігі туралы атап өтілді. Бұл сыбайлас жемқорлық тәуекелдерін айтарлықтай төмендетуге мүмкіндік береді.
