СЕМИНАР
2026 жылғы 24 қыркүйекте Қазақстан Республикасы Денсаулық сақтау министрлігінің Санитариялық-эпидемиологиялық бақылау комитеті Астана қаласының Алматы және Байқоңыр аудандарының санитариялық-эпидемиологиялық бақылау басқармаларының мамандарына арналған «Мемлекеттік қызмет саласындағы заңнаманы бұзудың алдын алу және қызметтік әдеп нормалары» және «Қызметтік ақпараттың таралып кетуіне жол бермеу және ақпараттық қауіпсіздік талаптарын сақтау, сондай-ақ ақпараттық қауіпсіздік саласындағы тәуекелдерді азайту және қауіп-қатерлердің алдын алу» тақырыптарында семинар өткізілді.
Іс-шара мемлекеттік қызметшілердің құқықтық сауаттылығын арттыру, мемлекеттік қызмет саласындағы заңнама талаптарының бұзушылықтарын алдын алу және қызметтік әдеп нормаларын сақтау, сондай-ақ Қазақстан Республикасының дербес деректерді қорғау және ақпараттық қауіпсіздік саласындағы заңнама талаптарын іске асыру мақсатында ұйымдастырылды.
Семинарда Департаменттің әдеп жөніндегі уәкілі Тагаева Г.Ж. және ішкі қауіпсіздік бөлімінің бас маманы Заманбеков З.С. баяндама жасады.
Іс-шара барысында мемлекеттік қызметшілердің мемлекеттік қызмет саласындағы заңнама талаптарын, қызметтік әдеп нормалары мен Қазақстан Республикасы мемлекеттік қызметшілерінің Әдеп кодексі ережелерін сақтау мәселелері қаралды. Бұзушылықтардың алдын алу, мүдделер қақтығысына жол бермеу және қызметтік мінез-құлыққа қойылатын белгіленген талаптарды сақтау мәселелеріне ерекше назар аударылды.
Екінші тақырыптық блок аясында қатысушылар кибергигиенаның негізгі қағидаларымен, оның ішінде электрондық цифрлық қолтаңбаларды қауіпсіз пайдалану, есептік жазбалардың құпиясөздерін қалыптастыру және сақтау, сондай-ақ интернет пен электрондық поштаны қауіпсіз пайдалану қағидаларымен танысты.
«Сұрақ-жауап» сессиясы барысында қатысушылар қызметтік әдеп нормаларын сақтауға қатысты практикалық мәселелер бойынша, оның ішінде мемлекеттік қызметшілердің діни іс-шараларға қатысуына қатысты түсіндірмелер алды. Сонымен қатар ақпараттық қауіпсіздік талаптарын сақтау және электрондық цифрлық қолтаңбаларды үшінші тұлғаларға беруге жол бермеу қажеттігі атап өтілді.
Семинардың қорытынды бөлімінде қызметтік ақпараттың ықтимал таралып кетуіне, ақпараттық қауіпсіздік талаптарын сақтауға, тиісті тәуекелдерді барынша азайтуға және осы саладағы қатерлердің алдын алуға байланысты практикалық жағдайлар қаралды.
Іс-шара соңында қатысушылар өздерін қызықтырған сұрақтарды қойып, пікір алмасты және практикалық жағдайларды талқылауға қатысты.