ЖРВИ және тұмаудың алдын алу

Абай облысы аумағында ЖРВЖ мен тұмау аурушаңдығының эпидемиологиялық жағдайы маусымға сәйкес тұрақты.
Өткен 2023 жылдың осы кезеңімен салыстырғанда ЖРВЖ аурушандық деңгейі 3,67% өскен. Облыс бойынша 2023-2024жж. эпидемиологиялық маусымның басынан ЖРВЖ (2023ж. 1 қазаннан 7 ақпанға дейін) 17847 жағдайы, ал өткен жылдың осы кезеңінде 37342 жағдай тіркелген. Барлық ауырған адамдардың 57,3% - 14 жасқа дейінгі балалардың үлесіне тиесілі, 21391 жағдай тіркелген.
2023-2024 жж. эпидемиологиялық маусымда тұрғындар арасында тұмаудың А(Н3N2) түрінің 69 жағдайы тіркелген,оның ішінде 14 жасқа дейінгі балалар арасында 31 жағдай тіркелген, сонымен қатар жіті респираторлық вирустар да ( тұмау тәріздес вирустар, бокавирус,аденовирус, риновирустық вирустар) тіркеліп отырады.

ЖРВЖ мен тұмаудың алдын алу шаралары:
• ЖРВЖ белгілері бар (жөтелген, түшкірген) адамдармен қатынастан алшақ болыңыз. Егер ондай мүмкін болмаса, онда бір реттік медициналық бетперделерді пайдаланыңыз, оны әр 2-3 сағат сайын ауыстырып отыру қажет.
• Өзіңіз тұратын бөлмелерді күнделікті желдетіп және жиі жуып отырыңыз. Бөлме ауасының үнемі ылғалды болуы шарт. Ылғалды ауа – суық тию мен тұмауға қарсы күрестің мықты қаруы болып табылады.
• Тоңып қалудан сақтаныңыз және ауа-райына сәйкес киініңіз.
• Үйден шығар алдында мұрынды алдын-ала тазартып, оксолин майын жағыңыз, ол мұрын қуысында тұмау мен жіті респираторлық жұқпалардың вирустарына қарсы қорғаныс қабатының пайда болуына ықпал етеді;
• Күнделікті тамаққа иммунитетті көтеруге арналған дәрумендерге бай азық-түліктерді және құрамында фитонцидтер бар-пиязды, сарымсақты пайдаланыңыз;
• Қолыңызды үнемі сабынмен мұқият және жиі жуыңыз.
• Салауатты өмір салтын сақтаңыз, ұйқыға жеткілікті уақыт бөліңіз, дұрыс, уақытында тамақтаныңыз, белсенді дене қимылымен шұғылданыңыз және шынығыңыз.