Балалардың жазғы демалысын ұйымдастыру

Балалардың демалысын ұйымдастыру қашанда маңызды мəселелердің бірі болып саналады.  Жазғы демалыс-бұл балалардың күш-жігерін толықтыру, денсаулығын нығайту және сауықтыру кезеңі. Сондықтан жазғы демалыс баланың денсаулығын нығайтуға қолайлы уақыт ретінде қарастырылады және оның тұлға ретінде қалыптасуына жағдай жасайды.

Тамақтан улану мен жұқпалы аурулардың алдын алу мақсатында балаларды жазғы сауықтыру лагеріне жіберген кезде сіз баламен жеке гигиенаны сақтаудың қарапайым ережелері туралы профилактикалық әңгіме жүргізуіңіз керек, атап айтқанда: тамақтанар алдында және дәретханаға барғаннан кейін қолды жуу, көкөністер мен жемістерді тұтынар алдында ағынды сумен жақсылап шаю, сауықтыру лагерьлерінің аумағында өсетін жемістерді пайдалануға тыйым салу. Бассейнде шомылғаннан кейін душ ванналарын сабынмен міндетті түрде қабылдау, басқа адамдардың жеке гигиеналық заттарын (тарақтар, тіс щеткалары және т.б.) және киімдерін пайдаланбау, туристік жорыққа барғанда дененің барлық ашық бөліктерін жабу (шалбарды шұлыққа салу, ұзын және түймеленетін блузкалар кию). Егер ішек инфекциясының белгілері пайда болса (әлсіздік, жүрек айну, құсу), дене температурасының жоғарылауы және т.б. балаларды дереу медициналық көмекке жүгінуге үйретіңіз.

Жазғы сауықтыру мекемесіне баратын балаға денсаулық жағдайы туралы құжаттар (086/у нысаны), инфекциялық аурулардың болмауы туралы анықтамалар болуын қамтамасыз ету қажет.

Тағы бір маңызды мәселелердің бірі ол тамақтану жағдайларына қойылатын талаптар. Тамақтану толыққанды, сапалы, бала ағзасына арналған болуы керек. Балалар мен жасөспірімдерді дұрыс тамақтандыру олардың денсаулығын нығайтып, дене және ой қабілетінің дамуына мүмкіндік береді, еңбек ету мен сабақта үлгеру қабілетін арттырады. Егер тамақтану дұрыс ұйымдастырылмаса, жеткіліксіз болса, зат алмасу бұзылып, оның айналадағы ортаның зиянды әсеріне және әртүрлі жұқпалы ауруларға қарсы тұрарлық қабілеті төмендейді.

Тамақтану арасындағы интервал 3,5-4 сағаттан асырылмай, қосымша екінші таңғы ас немесе кешкі ас бар кемінде бес реттік тамақтандыру жүргізілу қажет. Тамақ арасындағы аралықта ас мәзіріне қымызды немесе қышқыл сүт өнімін енгізу ұсынылады. Күн сайын тамақтану рационына ет, сүт, сары май және өсімдік майы, қара бидай және (немесе) бидай наны, көкөністер және қант қосу. Балық, жұмыртқа, ірімшік, сүзбе, құстың еті екі- жеті күнде бір рет қосылу қажет. Гиповитаминоздың алдын алу және балаларды тиімді сауықтыру мақсатында салқындатылған сусындарды (компот, кисель) "С" витаминімен жасанды витаминдеу жүргізілу қажет.

Біз балаларымызды қарапайым өмірлік дағдыларды, соның ішінде жеке гигиена туралы біліммен қаруландырып, балаларымызға қауіпсіз және пайдалы демалысты қамтамасыз етуіміз қажет!