Туляремия

Туляремия – бұл лимфа түйіндеріне, теріге, кейде көздің шырышты қабығына, жұтқыншаққа, өкпеге және ішекке әсер ететін табиғи ошақты жедел инфекциялық ауру.

Туляремия белгілері Аурудың инкубациялық кезеңі үш күннен үш аптаға дейін созылуы мүмкін, бірақ орташа есеппен 7 күн. 2-3 күнге созылатын бастапқы белгілер аурудың барлық түрлерінде бірдей: туляремия жедел көрінеді: дене температурасы 38-40°C дейін көтеріледі, қан қысымы төмендейді, салыстырмалы брадикардия байқалады. Науқастар әлсіздікке, бас ауруына, дененің ауырсынуына, жүрек айнуына, тәбеттің болмауына және ұйқының бұзылуына шағымданады. Бұлшықет ауыруы және қатты терлеу пайда болады. Ауыр жағдайларда адам эйфорияны сезінуі мүмкін, сандырақтар мен галлюцинациялар сирек кездеседі. Науқас қатты бас ауруы мен құсуды бастайды.

Алдын алу

1. Туляремиялық вакцинаны егу — аурудың алдын алудың негізгі және сенімді әдісі. Егілген адамдарда туляремияға қарсы иммунитеттің түзілуі екпе жүргізілгеннен кейін 15-20-шы күні басталып, 5 жылға дейін сақталады. 5 жылдан кейін ревакцинацияны алуы керек. Жұқпа ошағында тұратын адамдардың барлығы егілуі тиіс.
2. Құдықтарды, бұлақтарды, тамақ өнімдерін кеміргіштерден қорғау.
3. Кездейсоқ су көздерінен шикі суды ішуге болмайды.
4. Кәсіпорындарда, тұрғын үй-жайларда және шаруашылық құрылыстарда, бау-бақша учаскелерінде кеміргіштерді жою (тұзақ, уланған жемдерді пайдалану және т.б.).
5. Тұрғын үйлер мен елді мекендердің жанындағы арам шөптердің көзін жою.
6. Далада жүргенде, балық аулауға барғанда, табиғатта демалғанда кене шағуын болдырмау мақсатында репелленттерді (шыбын-шіркейлерді үркітетін ерітінділер) пайдалану керек.

Температураның жоғарылауы және басқа белгілер пайда болған жағдайда (әлсіздік, қызба, лимфа түйіндерінің ұлғаюы) инфекционист дәрігерге дереу қаралу қажет.