Жазда ересектер мен балалар су айдындарына, шомылуға ұмтылады. Демалысын ұйымдастыруда, инфекциялық қауіпсіздік ережелерін сақтауды есіне сақтау керек.
Дүниежүзілік денсаулық сақтау ұйымының статистикасы бойынша аурулардың 85% - ы су арқылы жұғады. Мұндай ауруларға энтеровирустық инфекция, жедел вирустық А гепатиті, тырысқақ, паразиттік, саңырауқұлақ аурулары, кейбір зооноздық инфекциялар – туляремия, лептоспироз (су безгегі), сібір жарасы жатады. Ылғал құмға өте мұқият қарау керек, өйткені саңырауқұлақ ауруларының қоздырғыштары жылы ылғалды ортаны жақсы көреді және тез тарайды. Саңырауқұлақ споралары микротравмалар, терідегі жарықтар арқылы енуі мүмкін. Жұқпалы, паразиттік және саңырауқұлақ ауруларының алдын алу мақсатында су айдындарында шомылу кезінде мынадай алдын алу шараларын сақтау қажет;
- арнайы бөлінген және жабдықталған жерлерде шомылыңыз;
- бейтаныс су қоймаларында шомылмаңыз, әсіресе суда жүзетін құстар (қаздар, үйректер), сондай-ақ тұщы су моллюскалары (ұлулар)болса;
- “шомылуға тыйым салынады”арнайы белгілеріне назар аударыңыз;
- жағажайда, су қоймаларының жанындағы дымқыл шөпте жағажай аяқ киімімен жүріңіз;
- ашық су қоймаларында шомылғаннан кейін бірден душ қабылдаңыз;
- шомылу кезінде аузыңызды ашпауға немесе суды жұтып қоймауға тырысыңыз;
- су астына сүңгу кезінде көзіңізді ашпаңыз немесе маска немесе көзілдірік киіп су астына сүңгіңіз;
- демалу кезінде бөтелкедегі суды ішу үшін пайдаланыңыз;
- жемістер мен көкөністерді ашық су қоймаларында жууға болмайды;
- кез-келген ауру кезінде дереу дәрігерге хабарласыңыз және өзін-өзі емдемеңіз
Облыстың санитарлық қызметінің бақылауында 134 халық шомылатын орын бар. Абай облысының санитарлық-эпидемиологиялық бақылау басқармалары облыстың су айдындарындағы су сапасына тұрақты түрде мониторинг жүргізеді.