Меню
Әлеуметтік тұрғыдан осал топтардың лайықты өмір сүруін қамтамасыз ету мақсатында Долинка кенті әкімінің аппараты халықтың өмір сүру деңгейі мен сапасын арттыру бағытында жұмыстар жүргізуде. Халықты жұмыспен қамту бағдарламасын іске асыру барысында тіркелген жұмыссыздық деңгейі 3,2% құрады.
Тұрақты жұмысқа орналасу мәселесі бойынша 2025 жылдың 11 айында жұмыспен қамту орталығына 80 адам жүгінді. Тұрақты жұмысқа 33 адам орналастырылды. Қоғамдық жұмыстарда 6 адам еңбек етті. Кәсіпкерлік негіздері бойынша 2 адам оқытылды. 2025 жылдың 11 айы ішінде кентте 1 жұмыс орны құрылды. Жұмыспен қамту және әлеуметтік бағдарламалар бөлімінің қоры есебінен 2025 жылдың 11 айында 4 отбасыға мемлекеттік атаулы әлеуметтік көмек төленді.
СМС-хабарлама түскен кезде Сізге ЭЦҚ көмегімен «Әлеумет» әлеуметтік қызметтер порталына кіріп және хабарлаған күннен бастап екі ай ішінде санаторийлік-курорттық емдеу алғыңыз келетін шипажайді таңдау қажет.
Бөлмеге арналған кресло-арбалар алған күннен бастап 7 жылдан ерте емес, серуендеуге арналған кресло-арбалар 4 жылдан ерте емес, әмбебап кресло-арбалар 5 жылдан ерте емес ауыстырылады.
Қарағанды облысы Шахтинск қалалық мәслихатының 2024 жылғы 26 желтоқсандағы № 385/16 "Әлеуметтік көмек көрсету, оның мөлшерлерін белгілеу және мұқтаж азаматтардың жекелеген санаттарының тізбесін айқындау қағидаларын бекіту туралы" шешіміне сәйкес Шахтинск қаласының және оған іргелес Долинка, Новодолинский, Шахан кенттерінің аумағында жалғыз тұрғын үй ретінде меншік құқығында тұрған тұрғын үйде тұрақты тіркелген және тұратын аз қамтылған отбасыларға (азаматтарға), сондай-ақ мемлекеттік тұрғын үй қорынан тұрғын үйді және жеке тұрғын үй қорынан жергілікті атқарушы орган жалдаған тұрғын үйді жалдаушыларға (қосымша жалдаушыларға), чекті немесе шот-фактураны (жылыту маусымына есептегенде -7 ай) көрсете отырып, нақты шығыстар бойынша қатты отынды тұтынуды төлеуге әлеуметтік көмек көзделген - 16 айлық есептік көрсеткіш.
Әлеуметтік көмек алу үшін өтініш беруші өзінен немесе отбасы атынан уәкілетті органға нысан бойынша өтінішті, сондай-ақ ең төменгі күнкөріс деңгейінің бір жарым еселенген мөлшерінен аспайтын жан басына шаққандағы орташа табыстың болу фактісін растайтын құжатты ұсынады.