Мемлекеттік мәдениет саясатын іске асыру, халықтың мәдени бос уақытын ұйымдастыру, көркемөнерпаздар ұжымдарының, үйірмелердің, қызығушылық клубтарының жұмысын жүргізу, бұқаралық спортты дамыту, іс-шаралар өткізу мақсатында Долинка кенті МҮ филиалы, №11 орталықтандырылған кітапхана жүйесі (ОКЖ) және «Долинка кентіндегі саяси репрессия құрбандарының мемориалдық мұражайы» КМК жұмыс істейді. Барлық мәдениет мекемелері телефондандырылған, интернет желісіне қосылған, қажетті кеңсе техникасымен қамтамасыз етілген.
2025 жылдың 11 айында ауылдық Мәдениет үйі 54 іс-шара өткізді. Мерейтойлық күндерге, мемлекеттік және ұлттық мерекелерге орай түрлі конкурстар, сурет көрмелері, мерекелік концерт-құттықтаулар, челлендждер және басқа да іс-шаралар ұйымдастырылды.Долинка кентінің №11 ОКЖ 2025 жылдың 11 айында 94 іс-шара өткізді. Кітап қоры 16 828 кітапты құрайды. SMS хабарлама қызметі, Wi-Fi сымсыз желісі, электронды кітаптарға тегін қолжетімділік бар. Оқырмандар онлайн қызметтердің келесі түрлерін пайдалана алады: жаңалықтар, іс-шаралар хабарландырулар. Мақсатты бағдарламалар, жобалар бағытында жұмыстар жүргізілуде. Түрлі оқырман топтары үшін үнемі мазмұны әртүрлі қызықты іс-шаралар өткізіледі. Жастар мен жасөспірімдерге арналған іс-шараларға ерекше көңіл бөлінеді. Кітапхана қорын толықтыру жұмысы тұрақты негізде жүргізіледі.
Саяси репрессия құрбандарының мемориалдық мұражайында 2025 жылдың 11 айында 3073 экскурсия өткізіліп, 32 001 адам қамтылды. 65 көрме, 127 дәріс, 42 бұқаралық іс-шара ұйымдастырылды, 15 ғылыми мақала жарияланды, 18 ғылыми конференция, семинарлар мен дөңгелек үстелдерге қатысылды, 20 ғылыми кеңес беру жұмысы жүргізілді.