Дәрілік заттар мен медициналық бұйымдарды Қазақстан Республикасының аумағынан әкету және мемлекеттік қызмет көрсету ережесі.

Көрсетілетін қызметті алушы

Белгіленген нысан бойынша электрондық өтініш (көрсетілетін қызметті алушы, көрсетілетін қызметті алушының заңды мекенжайы, көрсетілетін қызметті алушының телефоны, электрондық поштасы, көрсетілетін қызметті алушының сәйкестендіру нөмірі (БСН, ЖСН) (бар болса), шығару мақсаты,өнім беруші, экспорт елі,импорт елі, өндіруші, өнім берушінің заңды мекенжайы, өнім берушінің заңды мекенжайы, өнім берушінің телефоны, электрондық поштасы, өнім берушінің елі, келісімшарттың (шарттың)нөмірі, келісімшарт (шарт)күні, сипаттаманың (қосымшаның, инвойстың, шот-фактураның) нөмірі, сипаттаманың (қосымшаның, инвойстың, шот-фактураның) күні, әкетуді жүргізетін кедендік орган, Дәрілік заттардың/медициналық бұйымдардың атауы, концентрациясы, дозалауы өлшеп-орау (нөмірі), шығару нысаны, өлшем бірлігі, саны, өндіруші, өндіруші ел, тіркеу куәлігінің нөмірі, тіркеу куәлігінің берілген күні).

Жеке басын куәландыратын құжаттар туралы, жеке кәсіпкер ретінде мемлекеттік тіркеу туралы, заңды тұлғаны мемлекеттік тіркеу (қайта тіркеу) туралы, қазақ немесе орыс тілдеріндегі келісімшарт немесе шарт туралы, фармацевтикалық және медициналық қызметке, есірткі құралдарының, психотроптық заттар мен прекурсорлардың айналымы саласындағы қызмет түрлерімен айналысуға арналған лицензиялар туралы мәліметтерді, мемлекеттік ақпараттық жүйелерде қамтылған медициналық бұйымдарды көтерме саудада өткізуге арналған қызметтің басталуы туралы хабарламаны көрсетілетін қызметті беруші "электрондық үкімет" шлюзі арқылы тиісті мемлекеттік ақпараттық жүйелерден алып жібереді.

Мемлекеттік көрсетілетін қызметтің мерзімі:

Өтініш берілген сәттен бастап 3 (үш) жұмыс күні (дұрыс ресімделген жағдайда).

Қазақстан Республикасының заңнамасында белгіленген мемлекеттік көрсетілетін қызметтен бас тарту үшін негіздер:

1) көрсетілетін қызметті алушының мемлекеттік көрсетілетін қызметті алу үшін ұсынған құжаттардың және (немесе) олардағы деректердің (мәліметтердің) анық еместігін анықтау;
2) көрсетілетін қызметті алушының және (немесе) мемлекеттік қызмет көрсету үшін қажетті ұсынылған материалдардың, объектілердің, деректердің және мәліметтердің осы қағидаларда белгіленген талаптарға сәйкес келмеуі;
3) уәкілетті мемлекеттік органның мемлекеттік қызмет көрсету үшін қажетті келісімі туралы сұрау салуға берілген теріс жауап, сондай-ақ сараптаманың, зерттеудің не тексерудің теріс қорытындысы;
4) көрсетілетін қызметті алушыға қатысты оның қызметіне немесе мемлекеттік көрсетілетін қызметті алуды талап ететін жекелеген қызмет түрлеріне тыйым салу туралы соттың заңды күшіне енген шешімінің (үкімінің) болуы;
5) көрсетілетін қызметті алушыға қатысты соттың заңды күшіне енген үкімінің болуы, оның негізінде көрсетілетін қызметті алушының мемлекеттік көрсетілетін қызметті алумен байланысты арнаулы құқығынан айырылуы бойынша;
6) көрсетілетін қызметті алушының мемлекеттік қызмет көрсету үшін талап етілетін, "Дербес деректер және оларды қорғау туралы" Қазақстан Республикасы Заңының 8-бабына сәйкес берілетін қолжетімділігі шектеулі дербес деректерге қол жеткізуге келісімі болмауы бойынша мемлекеттік қызметтерді көрсетуден бас тартады.          

Мемлекеттік көрсетілетін қызмет кезінде көрсетілетін қызметті алушыдан алынатын төлем мөлшері және Қазақстан Республикасының заңнамасында көзделген жағдайларда оны алу тәсілдері:Тегін.