Дәрілік заттарды таңбалауды енгізуге дайындық көтерме сату субъектілерімен талқыланды
Медициналық және фармацевтикалық бақылау комитетінің ШҚО бойынша департаментінің бастамасымен "Атамекен" өңірлік кәсіпкерлер палатасында дәрілік заттар айналымы саласындағы көтерме сауда субъектілерімен кеңес өтті. Кездесуге "Қазақтелеком" АҚ "цифрлық экономиканы дамыту орталығы" ЖШС тауарларды таңбалау басқармасы департаментінің жоба менеджері Людмила Горчинская, бірыңғай таңбалау операторының қызметкері Анар Карибаева, ШҚО Кәсіпкерлер палатасының адами капиталды дамыту бөлімінің басшысы Асет Адылхан қатысты.
ҚР ДСМ МФБК ШҚО бойынша департамент басшысының орынбасары Нургуль Кунапьянова "Шығыс Қазақстан облысының фармацевтикалық қызмет субъектілерінің (көтерме компаниялардың) дәрілік заттарын таңбалауды және қадағалауды енгізуге 2024 жылғы 18 маусымдағы жағдай бойынша дайындық"атты баяндамасымен сөз сөйледі.
- Облыс бойынша фармацевтикалық қызметтің 15 субъектісі дәрілік заттарды көтерме сатуды жүзеге асырады. Барлығында 2D сканерлер мен ТСД бар, жабдықталу – 100 пайыз. Өңірдің көтерме компанияларының есептік жүйелерін Қазақтелеком операторының есеп жүйесімен интеграциялау-47 пайыз, - деп баяндады Нургуль Кунапьянова.
Ол 1 шілдеге дейін медициналық қызметтің барлық субъектілері дәрі-дәрмектерді таңбалауға және бақылауға дайын болуы керек екенін атап өтті.
Анар Карибаева кездесуге қатысушыларды бірыңғай оператордың ақпараттық жүйесінің функционалымен таныстырды, тауарларды таңбалау мен қадағалаудың ақпараттық жүйесінде қанша көтерме компания тіркелгенін айтты – ИСМЕТ және ЭҚАБЖ және есепке алу жүйелерін интеграциялау бойынша сұрақтарға жауап берді.
Өз кезегінде көтерме сауда компанияларының өкілдері есепке алу жүйелерін таңбалау ЕЖ - мен, атап айтқанда "1С-Рейтинг" әзірлеушісімен интеграциялау бойынша проблемалық сәттерді атап өтті, өйткені көпшілігінде "1С: сауданы басқару" және "1С: Қазақстан үшін Бухгалтерия"ескі нұсқалары орнатылған.
Барлық ескертулер бақылауға алынып, "Қазақтелеком" АҚ таңбалау әзірлеушісімен шешілетін болады.