Облыс әкімі департамент басшылығына ведомстволық наградалар тапсырды

Бүгін Қазақстан Республикасының медицина қызметкерлері күніне арналған салтанатты жиналыс өтті.

Облыс әкімі Ермек Көшербаев өңірдің 30–дан астам медицина қызметкерлеріне ведомстволық наградалар - "Еңбек ардагері" медальдарын және "Денсаулық сақтау ісінің үздігі" және "Денсаулық сақтау ісіне қосқан үлесі үшін" төсбелгілерін табыс етті. Сондай-ақ, дәрігерлер құрмет грамоталарымен және алғыс хаттармен марапатталды.

Марапатталғандардың қатарында- МФБК ШҚО бойынша Департамент басшысы Алмагуль Кусатаева болды, оның жұмысын ҚР Денсаулық сақтау министрлігі "Денсаулық сақтау ісіне қосқан үлесі үшін"төсбелгісімен атап өтті. Сондай – ақ, ҚР ДСМ – нің жоғары наградасы - "Еңбек ардагері" медалі департамент басшысының орынбасары Нургуль Кунапьяноваға табысталды.

– Медицина қызметкері күні мерекесі қарсаңында мен әріптестерімізге – дәрігерлерге, медбикелерге, санитарларға мықты денсаулық, жұмыста жақсы көрсеткіштер, пациенттердің алғысына бөленіп жүрулеріне тілектеспін. Дәрігерлерге еңбектері үшін көп рахмет! Құрметті марапаттармен құттықтаймын! - деді Алмагуль Кусатаева.

Салтанатты іс-шара соңында медициналық жұртшылық үшін концерт және тақырыптық фотосуреттер көрмесі ұйымдастырылды.