Мемлекеттік қызметшінің имиджі: "Сүйікті жұмысы бар адам бақытты"
27 жасында Мақпал Рахимжанова медициналық және фармацевтикалық бақылау комитетінің ШҚО бойынша департаментінің фармацевтикалық қызметті бақылау және дәрілік заттар мен медициналық бұйымдарға арналған бағаларды мониторингілеу бөлімінің басшысы болып тағайындалды. Жақында ғана ол басшылық лауазым иеленді.
Мақпалдың балалық және жастық шағы Катонқарағай ауданы Ақсу ауылында өтті. Отбасындағы бесінші бала, ол әпкесі сияқты фармацевт болуды армандады және сол арманы орындалды. Химия пәні сүйікті пәні болды. Ақсу орта мектебін бітіргеннен кейін Мақпал "Семей медицина университеті" КЕАҚ-ға "Фармация"мамандығы бойынша оқуға түсті. 2020 жылы университетті бітіргеннен кейін "қай бағытта жұмыс істеу керек" деген ой туады... Таңдау мемлекеттік қызметтің пайдасына жасалды.
2021 жылдың наурыз айында Мақпал Рахимжанованы "ҚР ДСМ медициналық және фармацевтикалық бақылау комитетінің ШҚО бойынша департаменті" РММ фармацевтикалық қызметті бақылау және дәрілік заттар мен медициналық бұйымдарға арналған бағаларды мониторингілеу бөлімінің бас маманы ретінде жұмысқа қабылдады.
– Сол кезде – бас маман лауазымында, қазір-бөлім басшысы атынан мен дәрілік заттардың, медициналық бұйымдардың айналымы саласында мемлекеттік бақылау мен қадағалауды, сондай-ақ денсаулық сақтау саласындағы есірткі құралдарының, психотроптық заттар мен прекурсорлардың айналымын бақылауды жүзеге асырамын, әкімшілік құқық бұзушылық туралы істерді және жеке және заңды тұлғалардың өтініштерін қараймын. Жауапкершілік зор, сондықтан мен сауатты қызметкер болуға ғана емес, өз кәсібилігімді үнемі арттыруға және азаматтардың игілігі үшін мемлекеттік қызметтерді барынша сапалы көрсетуге тырысамын, – дейді Мақпал Рахимжанова.
Жоғарыда айтылған сөздері расталып, өткен жылы медицина қызметкері күні қарсаңында Мақпал Денсаулық сақтау саласына қосқан кәсіби еңбегі мен қомақты үлесі үшін Департамент басшылығының Құрмет грамотасымен марапатталды.
Мақпал - жан-жақты тұлға. Жұмыстан бос уақытында ол волейбол мен теннис ойнайды, ән айтқанды ұнатады және психология туралы кітаптар оқиды. Бірақ, әрине, басымдық өз отбасына және кішкентай ұлына беріледі.
– Мен сенімді түрде айта аламын: Мен бақытты адаммын! Менің сүйікті жұмысым бар, өзіме ұнайтын іспен айналысамын! Мен сондай-ақ осы ұжымда жұмыс істегеніме өте бақыттымын: әріптестерім тату, қиын сәтте көмекке келуге дайын. Әрбірі мемлекеттік қызметшінің бойында болу керек қасиеттерге ие – жауапкершіліктері мол, адал, білімді және әдепті.
Әлия Сейсенбаева
Департамент қызметкері туралы материал облыстық "Рудный Алтай" және "Дидар"газеттерінде жарық көрді.
https://rudnyi-altai.kz/schastlivyy-chelovek-na-lyubimoy-rabote/
https://didar-gazeti.kz/sueyikti-jumysy-bar-adam-baqytty/