ШҚО клиникалары пациенттерді қолдау қызметінің сапасын жақсартуы қажет
ҚР ДСМ МФБК ШҚО бойынша департаментінің медициналық қызметті бақылау бөлімі ағымдағы жылдың 9 айындағы жұмыс нәтижелерін жариялады.
Медициналық ұйымдардың бас дәрігерлері мен облыстық денсаулық сақтау саласы өкілдерінің алдында сөйлеген сөзінде медициналық қызметті бақылау бөлімі басшысының м.а. Тамерлан Амреев бүгінгі күнге дейін 161 өтініш тіркелгенін (өткен жылдың осы кезеңінде – 192) айтты. 101 жоспардан тыс тексеру жүргізілді, оның ішінде 45 – негізделген, 56 – негізсіз өтініштер. Анықталған бұзушылықтарды жою бойынша 70 ұйғарым берілді. Негізделген өтініштер саны 2022 жылдың сәйкес кезеңімен салыстырғанда 3,7 пайызға өсті. Жоспардан тыс тексерулер заңға сәйкес тәуелсіз сарапшыларды тарта отырып жүргізілгені маңызды.
– Өткен кезеңде 60 әкімшілік іс қозғалды, олар бойынша айыппұл мөлшері 2 130 375 теңгені құрады, бұл сома толық көлемде өндірілді, – деп баяндады Тамерлан Амреев. – Сондай-ақ, біз білім және денсаулық сақтау ұйымдарында прокуратура органдарының тапсырмалары бойынша жоспардан тыс тексерулер жүргіздік. Тексерілген 25 медициналық ұйымның 17-сінде 47 бұзушылық анықталды және 34 әкімшілік хаттама жасалды.
Медициналық бақылау бөлімі тексерулер мен айыппұлдардан басқа, аудандық ауруханалар ғана емес, облыстық маңызы бар клиникалар да қатысқан медициналық ұйымдардың рейтингіне қарсы мәліметтермен таныстырды.
Қорытындылай келе, ШҚО бойынша Медициналық және фармацевтикалық бақылау департаменті денсаулық сақтау басқармасы мен медициналық ұйымдардың басшыларына пациенттерді қолдау қызметінің және ішкі аудиттің сапасын жақсартуды (өткен жылдың қорытындысы бойынша халықтың медициналық қызметтердің қолжетімділігі мен сапасына қанағаттану деңгейі 55,9% құрады) тапсырды. Мамандардың біліктілік деңгейін тұрақты негізде арттыру. Этика, деонтология және бағыныштылықтың сақталуын қамтамасыз ету. Әлеуметтік желілерде жарияланған шағымдар бойынша қызметкерлермен жұмысты күшейту. Ауыр және өлім жағдайларының сараптамасын жақсарту, сондай-ақ медициналық құжаттаманың ресімделуін сәйкестікке келтіру. Стационарлық, амбулаториялық-емханалық қызметтер процесін ұйымдастыру бойынша бақылауды күшейту.