Қасым Қайсенов атындағы жаңа мектепте лицензияланған дәрігерге дейінгі кабинет жұмыс істейді

"Ұлан ауданының аудандық ауруханасы" ШЖҚ КМК Қасым Қайсенов кентіндегі жаңа орта мектеп ғимаратының дәрігерге дейінгі кабинетінде оқушыларға медициналық қызмет көрсетуге қажетті құжаттарды алды.

ҚР ДСМ ХҚК ШҚО бойынша Комитеті департаментінің медициналық қызметті сертификаттау және лицензиялау бөлімінің басшысы Думан Ғылыммедден балалар үшін дәрігерге дейінгі қызметке лицензияға қосымша беру бойынша рұқсат беру бақылауын жүргізді. Ол мектеп мекемесінің медициналық кабинетінің қажетті медициналық бұйымдармен және жабдықтармен жабдықталуын, мамандардың біліктілік талаптарына сәйкестігін және жылжымайтын мүлікке құқық белгілейтін құжаттарды тексерді. Оқушыларға дәрігерге дейінгі көмек көрсететін дәрігермен мемлекеттік қызметті жүзеге асыру стандарттары туралы түсіндірме әңгіме жүргізілді.

Рұқсат беру бақылауының қорытындысы бойынша бұзушылықтар анықталған жоқ: Жылжымайтын мүлікке, медициналық техника мен жабдыққа құқық белгілейтін барлық құжаттар бар, мамандардың біліктілік талаптары сақталды. 1 қыркүйектен бастап жаңа мектептің медициналық кабинетінде оқушыларға дәрігерге дейінгі медициналық қызмет көрсетуге рұқсат етілді.

Рұқсат беру бақылауы "Медициналық қызметке лицензия беру "мемлекеттік қызмет көрсету қағидаларын бекіту туралы "Қазақстан Республикасы Денсаулық сақтау министрінің 2020 жылғы 1 маусымдағы № КР ДСМ - 59/2020 бұйрығына өзгеріс енгізу туралы"Қазақстан Республикасы Денсаулық сақтау министрінің 2022 жылғы 9 наурыздағы № КР ДСМ-22 бұйрығы негізінде жүргізілгенін атап өтеміз.