Оқыту семинарында № 4 ТБН жобалары туралы айтылды

ҚР ДСМ Медициналық және фармацевтикалық бақылау комитетінің ШҚО бойынша департаментінде кезекті жалпыға бірдей оқыту өтті, онда сыбайлас жемқорлықтың алдын алу және оған қарсы іс-қимыл жобалары талқыланды.

Әдеп жөніндегі уәкіл, Департамент басшысының орынбасары Нургуль Кунапьянова баяндама жасай отырып, № 4 "Сыбайлас жемқорлықтың алдын алу және оған қарсы іс-қимыл" және "Сыбайлас жемқорлыққа қарсы мәдениетті қалыптастыру" үлгілік базалық бағыттағы (ТБН) жобаларды орындау жөніндегі Нұсқаулық туралы айтты.

№4 ТБН шеңберінде сыбайлас жемқорлықтың алдын алу бойынша мемлекеттік органдар мен квазимемлекеттік сектор ұйымдарының жұмысын ұйымдастыру сапасын арттыру үшін мүмкіндіктер көзделген. Бұған Сыбайлас жемқорлыққа қарсы қызметтің нақты міндеттері мен кіші міндеттері бар жобаларын іске асыру арқылы қол жеткізуге болады. Мысалы, сыбайлас жемқорлық тәуекелдерін ішкі талдау нәтижелері бойынша анықталған сыбайлас жемқорлық құқық бұзушылықтарды жасауға ықпал ететін себептер мен жағдайларды жою жөніндегі іс-шаралар жоспарын әзірлеу. Сыбайлас жемқорлық тәуекелдеріне ұшыраған лауазымдар тізілімін әзірлеу және Әдеп жөніндегі уәкілдердің осындай лауазымдарда мемлекеттік қызметшілермен жүйелі профилактикалық жұмысы; мемлекеттік қызметшілер арасында сыбайлас жемқорлыққа қарсы мәдениетті нығайту (сыбайлас жемқорлыққа қарсы оқуға жіберу) және басқалар.

Фармацевтикалық қызметті бақылау және дәрілік заттар мен медициналық бұйымдарға бағасын мониторингілеу бөлімінің бас маманы Жарас Дәулетханов Қазақстан Республикасы Денсаулық сақтау министрінің және ҚР Денсаулық сақтау және әлеуметтік даму министрінің кейбір бұйрықтарына өзгерістер мен толықтырулар енгізу туралы егжей-тегжейлі хабардар етті. Өзгерістер мен толықтырулар енгізілетін бұйрықтардың толық мәтінімен және тізбесімен мына сілтеме бойынша танысуға болады: https://www.gov.kz/memleket/entities/dkmfk-vko/documents/details/498612?lang=ru

Жалпыға бірдей оқытудың екінші бөлімінде телефон арқылы сөйлесу этикасы туралы бейнероликті көрумен жалғасты. Нургуль Кунапьянова қызметкерлерге жұмыс барысында қоңырауларға қалай жауап беру керектігін, адресатпен сыпайы болу және сұрақтарға толық жауап беру қаншалықты маңызды екенін түсіндірді.

Әңгіме соңында ол әріптестерін ағымдағы жылдың бірінші жартыжылдығындағы сыбайлас жемқорлық тәуекелдеріне жүргізілген ішкі талдау нәтижелерімен таныстырды.