Дәрігерлер мен полицейлер өзара іс қимыл мәселелерін талқылады
ҚР ДСМ ШҚО бойынша Медициналық және фармацевтикалық бақылау комитеті департаментінің бастамасымен облыстық Полиция департаментінде азаматтардың құқықтарын тиісті және уақтылы қорғауды қамтамасыз ету мақсатында медицина қызметкерлерінің, медициналық сарапшылардың, полиция мен прокуратураның өзара іс-қимылы мәселелері бойынша ведомствоаралық кеңес өтті.
Кеңеске ШҚО полиция департаменті бастығының орынбасары Медет Бердимуратов, ҚР ӘМ ШҚО бойынша сот сараптамасы орталығының басшысы Мирболат Картов, Өскемен прокурорының орынбасары Ернар Туртубеков, сондай-ақ денсаулық сақтау басқармасының, медициналық мекемелердің өкілдері, тергеушілер және т. б. қатысты.
Бас спикер ретінде ҚР ДСМ ШҚО бойынша Медициналық және фармацевтикалық бақылау комитетінің департаментінің басшысы Алмагуль Кусатаева сөз сөйледі, ол қатысушылардың назарын маңызды сәттерге: шағын кәсіпкерлік субъектілерінің заңсыз медициналық қызметпен айналысуына және олардың қандай да бір құрылымға бағынбауына аударды.
– Жеке клиникалар Денсаулық сақтау саласындағы ешқандай мемлекеттік органдарға бағынбайды және көбінесе тексерулер кезінде оларда медициналық қызмет көрсетуге рұқсат құжаттары болмайды. Медициналық қызметке лицензия жоқ. Олар нормативтік актілерге сәйкес тиісті құжаттаманы жүргізбейді. Бірақ манипуляция барысында клиенттің денсаулығының асқынуы немесе нашарлауы кезінде ЖК қызметкерлерінде алғашқы шұғыл көмек көрсету дағдылары мен дәрі-дәрмек қобдишасы жоқ екендігі ең алаңдатарлық факт, - деп хабарлады Алмагуль Сыдыкбаевна. - Бірақ біз жағдайды өзгертуге қанша тырыссақ та, мораторий шараларына байланысты бұл мәселені шешу мүмкін емес.
Спикер төтенше жағдайлар кезінде, әсіресе мәселе өліммен аяқталған жағдайда, полицияға өтінішті тіркеу кезінде барлық уәкілетті органдарға, оның ішінде фармацевтикалық бақылау департаментіне жедел хабарлау қажет екенін атап өтті.
– Мәселен, 2023 жылдың ағымдағы кезеңінде бізге құқық қорғау органдарынан екі жағдай бойынша шағын кәсіпкерлік субъектілерінде (жеке медициналық кабинетте және сұлулық салонында) өлім-жітіммен аяқталған қаулылар келіп түсті, онда шетелдік азаматтар рұқсат құжаттары мен лицензиялары жоқ бола тұра медициналық қызметтер көрсеткен. Сондықтан азаматтардың құқықтарының бұзылуын болдырмау және кәсіпкерлер мен бизнесмендер тарапынан құқыққа қарсы іс–қимылдардың жолын кесу үшін бірлескен іс-қимыл алгоритмін әзірлеу және тәуелсіз сарапшылар мен көші-қон полициясын тарта отырып, жоспардан тыс тексерулер жүргізу қажет, - деп қорытындылады Алмагуль Кусатаева.
Сондай-ақ, ШҚО бойынша ИСЭ күрделі сараптамалар бөлімінің басшысы Асель Смагулова және сол ведомствоның жалпы сараптама бөлімінің басшысы Зарина Самиева, бірінші қалалық аурухананың сапаны бақылау қызметінің басшысы Елена Куликова, Өскемен ҚП тергеу бөлімінің бастығы Айжан Кыдырханова және басқалар баяндама жасады. Қатысушылар қызықтырған сұрақтарын қойды.
Жиын қорытындысы бойынша ШҚО полиция департаменті бастығының орынбасары Медет Бердимуратов ШҚО бойынша Медициналық және фармацевтикалық бақылау комитеті департаментінің басшылығына осындай кездесулердің орындылығы мен өзара іс-қимылдың сөзсіз қажеттілігін атап өтіп, бастама үшін алғысын білдірді.