ҚР ДСМ Медициналық және фармацевтикалық бақылау комитетінің ШҚО бойынша департаментінің басшылығы өңірдің кәсіпкерлерімен кездесті
ҚР ДСМ ШҚО бойынша Медициналық және фармацевтикалық бақылау комитеті департаментінің бастамасымен бүгін Өскемен қаласының фармацевтикалық және медициналық ұйымдардың өкілдерімен семинар-кездесу өтті.
Кездесуге облыстың қалалары мен аудандарынан келген кәсіпкерлерден басқа ШҚО сыбайлас жемқорлыққа қарсы іс – қимыл агенттігі Департаментінің аға офицері Гүлнұр Бекбаева, "Әділдік жолы" республикалық қоғамдық бірлестігінің облыстық филиалының басшысы Әділ Пшенов, "Аманат" партиясының өкілдері-Өскемен қаласының жергілікті өзін-өзі басқару кеңесінің басшысы Серік Оразбайұлы және қалалық мәслихат депутаты Алла Лоскутова қатысты.
Кездесудің негізгі тақырыптары - сыбайлас жемқорлық тәуекелдері және оларға қарсы іс-қимыл, Денсаулық сақтау саласында мемлекеттік қызметтер көрсету және GPP жүйесін енгізу туралы тақырыптар қозғалды.
ҚР ДСМ Медициналық және фармацевтикалық бақылау комитетінің ШҚО бойынша департаментінің басшысы Алмагүл Құсатаева кіріспе сөз сөйледі. Ол өткен жылғы облыс бойынша медициналық қызметтер көрсету және дәрілік заттардың айналысы саласындағы мемлекеттік бақылау нәтижелері туралы баяндады.
- Қазақстан Республикасы Президентінің "Қазақстан Республикасында барып тексерулер мен профилактикалық бақылау жүргізуге мораторий енгізу туралы" Жарлығы негізінде орталық мемлекеттік және жергілікті атқарушы органдарға шағын кәсіпкерлік және шағын кәсіпкерлік субъектілерін 2020 жылғы 1 қаңтардан бастап 2024 жылғы 1 қаңтарға дейін тексеруге тыйым салынады. Ерекшелік ретінде Қазақстан Республикасының Кәсіпкерлік кодексіне сәйкес жүргізілетін жоспардан тыс тексерулерден тұрады, - деп еске салды Алмагүл Сыдықбаева.
Бұдан әрі ол 2022 жылы Медициналық және фармацевтикалық бақылау департаментінің көрсеткен мемлекеттік қызметтері туралы айтып берді, сондай-ақ қатысушылардың назарын халықтың медициналық қызметтерге шағымдарын арттыруға аударды.
Семинар-кездесуде Әдеп жөніндегі уәкіл, ведомство басшысының орынбасары Нұргүл Кунапьянова кәсіпкерлік саласындағы сыбайлас жемқорлыққа қарсы іс-қимыл шаралары туралы айтып берді. Баяндамашы Сыбайлас жемқорлыққа қарсы іс-қимыл саласындағы заңнама нормаларын бұзғаны үшін тәртіптік және әкімшілік қана емес, қылмыстық жауапкершілік те көзделгенін атап өтті.
– Өз қызметіңізді жүзеге асыру кезінде сіз рәсімдердің ашықтығын, адал бәсекелестік қағидаттарын сақтауға, мүдделер қақтығысын болдырмауға, іскерлік этика нормаларын құрметтеуге, сыбайлас жемқорлыққа қарсы мәдениетті қалыптастыруға, сыбайлас жемқорлықтың алдын алу мәселелері бойынша мемлекеттік органдармен және өзге де ұйымдармен өзара іс – қимыл жасауға, халықпен түсіндіру жұмыстарын жүргізуге және сыбайлас жемқорлыққа қарсы іс-қимыл мәселелері бойынша әлеуметтік маңызы бар іс-шараларды ұйымдастыруға тиіссіз, - деп атап өтті Нұргүл Асымқанқызы.
Өз кезегінде ҚР Сыбайлас жемқорлыққа қарсы іс-қимыл Агенттігінің ШҚО бойынша департаментінің өкілі Гүлнұр Бекбаева өз сөзінде Қазақстанның сыбайлас жемқорлыққа қарсы заңнамасын жоспарлы түрде өзгертуге және жетілдіруге баса назар аударды.
– Өткен жылдың ақпан айында Мемлекет басшысының Жарлығымен республикамыздың 2022-2026 жылдарға арналған сыбайлас жемқорлыққа қарсы саясатының жаңа Тұжырымдамасы қабылданды, оған сәйкес Қазақстан сыбайлас жемқорлыққа қарсы іс – қимылдан қоғамдық сананың түбегейлі өзгеруіне көшуге, халықтың сыбайлас жемқорлықтың кез келген нысандарын қабылдамауына және алдын алу шараларының басымдығына бағытталған, - деді Гүлнұр Айтқұрманқызы.
Ол сыбайлас жемқорлықтан абсолютті бас тартуға, сыбайлас жемқорлыққа қарсы мәдениетті арттыру, тәрбие және білім беру шараларын жүйелеу, мемлекеттік аппарат пен бизнес-қоғамдастық өкілдерін парасатты мінез-құлыққа ынталандыру жолымен қол жеткізілетініне сенімді. Сондай-ақ, сыбайлас жемқорлыққа қарсы қызмет өкілі Қылмыстық кодекске енгізілген түзетулерге сәйкес парақорлық пен сыбайлас жемқорлық әрекеттерін көрсеткені үшін "алушылар" мен "берушілер"қатаң жазаланатынын атап өтті. Осындай қылмыстар жасаған адамдар үшін мемлекеттік қызметке және квазимемлекеттік сектор субъектілеріне жұмысқа орналасуға өмір бойы тыйым салынады.
– Жалпы, сыбайлас жемқорлыққа қарсы саясат сыбайлас жемқорлық экономикалық және беделді түрде тиімсіз болатын жағдайларды жасауға бағытталған, - деп есептейді Гүлнұр Бекбаева. - Тұжырымдамаға сәйкес қол жеткізілген нәтижелерді, халықаралық стандарттар мен алдағы кезеңге арналған стратегиялық мақсаттарды ескеретін сыбайлас жемқорлыққа қарсы тұтас саясатты дамыту жалғастырылатын болады. Әзірленген шаралар сыбайлас жемқорлықтың алғышарттарын кешенді жоюға, жауапкершіліктің бұлтартпастығын қамтамасыз етуге, азаматтық қоғамды сыбайлас жемқорлыққа қарсы іс-қимылға кеңінен тартуға бағытталатын болады.
ҚР ДСМ ШҚО бойынша Медициналық және фармацевтикалық бақылау комитеті департаментінің бөлім басшылары мен қызметкерлері Шұғыла Әбілханова, Жадыра Құлуштаева және Болат Әділ кәсіпкерлер мен бизнесмендер үшін медициналық және фармацевтикалық қызметке сертификаттар мен лицензиялар беру, GPP жүйесін енгізу, дәрілік заттар мен медициналық бұйымдарға шекті бағаларды енгізу туралы күрделі сұрақтар бойынша баяндама оқыды.
Кездесу қорытындысы бойынша барлық қатысушылар өз қызметінің бағыттары бойынша толыққанды және шынайы ақпарат алды.
– Біздің ведомствоның есігі азаматтарды қабылдау үшін әрдайым ашық, ал мұндай семинарларды біз жылына кемінде екі рет немесе қажеттілігіне қарай өткізетін боламыз, - деп түйіндеді Алмагүл Құсатаева.