«Месопраль, ішекте еритін қатты капсулалар 20 мг және 40 мг» дәрілік заттың тіркеу куәлігін кері қайтарып алу туралы

 

«Месопраль, ішекте еритін қатты капсулалар

20 мг және 40 мг»

дәрілік заттың тіркеу куәлігін

кері қайтарып алу туралы

 

 

 «Халық денсаулығы және денсаулық сақтау жүйесі туралы» Қазақстан Республикасы Кодексінің 10-бабының 7) тармақшасына, 259-бабының                      1-тармағының 7) тармақшасына және Қазақстан Республикасы Денсаулық сақтау министрінің міндетін атқарушысы 2020 жылғы 24 желтоқсандағы № ҚР ДСМ-322/2020 бұйрығымен бекітілген Дәрілік заттар мен медициналық бұйымдарды қолдануды тоқтата тұру, тыйым салу немесе айналымнан алып қою не қолдануды шектеу қағидаларының 3-тармағының 7) тармақшасына сәйкес (Нормативтік құқықтық актілерді мемлекеттік тіркеу тізілімінде № 21906 тіркелген), БҰЙЫРАМЫН:

  1. Келесі дәрілік заттардың тіркеу куәліктері кері қайтарылсын:
  • «Месопраль, ішекте еритін қатты капсулалар 20 мг», ҚР-ДЗ-5№022684, тіркеу куәлігін ұстаушының атауы «Химфарм» АҚ, Қазақстан;
  • «Месопраль, ішекте еритін қатты капсулалар 40 мг», ҚР-ДЗ-5№022684, тіркеу куәлігін ұстаушының атауы «Химфарм» АҚ, Қазақстан.
  1. Қазақстан Республикасы Денсаулық сақтау министрлігінің Медициналық және фармацевтикалық бақылау комитетінің (бұдан әрі – Комитет) Фармацевтикалық қызметті бақылау саласындағы мемлекеттік көрсетілетін қызметтер басқармасы осы шешім қабылданған күннен бастап күнтізбелік бір күннің ішінде жазбаша (еркін) нысанда Комитетінің аумақтық бөлімшелеріне, дәрілік заттардың тіркеу куәлігінің иесіне және дәрілік заттар мен медициналық бұйымдар айналысы саласындағы мемлекеттік сараптама ұйымына (бұдан әрі-сараптама ұйымы) хабарласын.
  2. Комитеттің аумақтық бөлімшелері осы шешім туралы ақпаратты алған күннен бастап бір жұмыс күннің ішінде:

1) облыстардың, республикалық маңызы бар қалалардың және астананың денсаулық сақтауды мемлекеттік басқарудың жергілікті органдарына, басқа да мемлекеттік органдарға (құзыреті бойынша) (жазбаша еркін нысанда) хабарлауды;

2) бұқаралық ақпарат құралдарына орналастыруды қамтамасыз етсін.

  1. Осы бұйрықтың орындалуын қадағалау Комитет төрағасының жетекшілік ететін  орынбасарына жүктелсін.
  2. Осы бұйрық қол қойылған күнінен бастап күшіне енеді.

Негіздеме: «Химфарм» акционерлік қоғамдастығының 2025 жылғы                                     23 қазандағы №459 хаты.

   Қазақстан Республикасы

Денсаулық сақтау министрлігі

Медициналық және

фармацевтикалық бақылау

комитеті төрағасы                                                              Б.Жүсіпов                         

                                                          

Согласовано

14.11.2025 10:07 Раймкулова Гаухар Ушкемпиркызы

14.11.2025 10:39 Мәлік Перизат Мұхтарқызы

14.11.2025 17:37 Мукатаева Жанна Адильхановна

Подписано

14.11.2025 18:31 Джусипов Бауыржан Алишерович

 

Дата публикации
05 декабря 2025