Қазақстанда дәрілік заттың саудалық атауына, бөлшек және көтерме саудада өткізу үшін дәрілік заттың саудалық атауына өндірушінің шекті бағасы бекітілді.
Шекті бағалар 7 мыңнан астам дәрілік препараттар үшін қалыптастырылды.
Сонымен қатар, мемлекет басшысының дәрі-дәрмек бағасын төмендету жөніндегі тапсырмасын іске асыру аясында коронавирустық инфекцияны емдеу кезінде қолданылатын 218 дәрілік заттың шекті бағасы төмендетілді.
Қазақстанда белгілі болғандай, бағаларды мемлекеттік реттеу ТМККК шеңберінде және МӘМС жүйесінде дәрілік заттардың, сондай-ақ медициналық бұйымдардың шекті бағаларын және үстеме бағаларын қалыптастыру, реттеу қағидаларына сәйкес тіркелген және айналыстағы дәрілік заттарға ғана жүзеге асырылады. Ережеге сәйкес дәрілік заттарды, сондай-ақ ТМККК және МӘМС шеңберінде босатылатын дәрілік заттарды көтерме және бөлшек саудада өткізу үшін баға белгілеу тетігі белгіленген.
Көтерме және бөлшек саудада өткізу үшін дәрілік заттардың бағаларын реттеу Сауда атауына бағаларды тіркеуді және қайта тіркеуді, көтерме және бөлшек үстеме бағаларды қалыптастыруды, дәрілердің саудалық атауына шекті бағаларды қалыптастыруды қамтиды.
Естеріңізге сала кетейік, дәрілік заттарға белгіленген шекті бағаны арттырғаны үшін Қазақстан Республикасы Әкімшілік құқық бұзушылық туралы Кодексінің 426-бабы бойынша әкімшілік жауапкершілік қарастырылған.
қатар, қазақстандықтар сондай-ақ darikz мобильдік қосымшасының көмегімен дәріханалардағы қандай да бір препараттың құнын өз бетінше бақылай алады, ал бағаларда алшақтықтар анықталған жағдайда арнайы нысанды толтырып, шағым қалдыра алады.
Бұйрық алғашқы ресми жарияланған күнінен кейін күнтізбелік он күн өткен соң қолданысқа енгізілді (2021 жылғы 30 желтоқсан).
Құжаттың толық мәтінімен мына сілтеме бойынша танысуға болады:https://adilet.zan.kz/rus/docs/V2100026221