ҚР ДСМ Медициналық және фармацевтикалық бақылау комитетінің Солтүстік Қазақстан облысы бойынша департаменті Қазақстан Республикасының барлық өңірлерінде төтенше жағдайдың жариялануына байланысты күн сайын Солтүстік Қазақстан облысының дәріханаларында және дәріхана қоймаларында қабынуға қарсы және ыстықты түсіретін, бактерияға қарсы дәрілік заттарға, сондай-ақ антикоагулянттарға, антиагреганттарға мониторинг жүргізеді
Бүгінгі күні облыс дәріханаларында дәрі-дәрмекпен қамтамасыз ету жағдайы тұрақты.
Қаланың "Сердечная", "Аптека №7", "Семейная", "Северная", "Мелодия здоровья" сияқты ірі дәріханалық желілерінде жеткілікті мөлшерде дәрілік заттар бар.
Сонымен қатар, дәріханалық ұйымдарда дәрілік заттар тапшылығының алдын алу үшін, Коронавирустық инфекция аурушаңдығы өскен жағдайда, облыста тұрақтандыру қоры ұйымдастырылды.
Департамент дәрілік заттарды бөлшек саудада өткізу субъектілерімен бақылаусыз қолдану кезінде адамның өмірі мен денсаулығына зиянды әсер ететін күшті әсер ететін дәрілік заттарды босату мәселелері бойынша түсіндіру жұмысын жүргізді. Сонымен қатар, дәріханалар мен дәріхана желілерімен жұмыс тәртібі, коменданттық сағаттың сақталуы және ТЖ-ға сәйкес өзге де талаптар бойынша түсіндіру жұмыстары жүргізілді.