Дәрілік заттар және медициналық бұйымдардың айналысы саласындағы субъектілердің көтерме және бөлшек саудада өткізуіне рұқсат етілген дәрілік заттар мен медициналық бұйымдарға жатпайтын тауарлар туралы

          Қазақстан Республикасының 2020 жылғы 7 шілдедегі "Халық денсаулығы және денсаулық сақтау жүйесі туралы" № 360-VI Кодексінің 1-бабы 1-тармағының 49-тармақшасына сәйкес дәріхана, және оның ішінде ғаламтор арқылы жүзеге асыратын дәріханалар, дәрілік заттар мен медициналық бұйымдардың айналысы саласындағы объектілерге жатады.

         ҚР ДСМ 2021 жылғы 16 ақпандағы № ҚР ДСМ-19 "Дәрілік заттар мен медициналық бұйымдарды сақтау және тасымалдау қағидаларын бекіту туралы" бұйрығының 16-тармағына сәйкес, дәріхананың дәрілік заттар мен медициналық бұйымдарды сақтау үй-жайларында (аймақтарында), тамақ өнімдері, сусындар, темекі бұйымдары, сондай-ақ жеке адамға пайдалануға арналған дәрілік заттар сақтауға тыйым салынады .

        Сонымен қатар, ҚР ДСМ 2022 жылғы 25 қарашадағы № ҚР ДСМ-141 "Дәрілік заттар мен медициналық бұйымдардың айналысы саласындағы субъектілердің көтерме және бөлшек саудада өткізуіне рұқсат етілген дәрілік заттар мен медициналық бұйымдарға жатпайтын тауарлардың тізбесін бекіту туралы" бұйрығының  қосымшасына (бұдан әрі - тізбе) сәйкес, дәрілік заттардың, медициналық бұйымдардың айналысы саласындағы субъектілердің көтерме және бөлшек саудада өткізуіне рұқсат етілген дәрілік заттар мен медициналық бұйымдарға жатпайтын тауарлардың тізбесіне мыналар жатады:

1. Санитарлық-гигиеналық мақсаттағы заттар.
2. Ауыз қуысын күтуге арналған заттар.
3. Мейірбике заттары.
4. Науқастар мен мүгедектер денесінің бұзылған және (немесе) жоғалған функцияларын оңалтуға немесе қалпына келтіруге арналған құралдар.
5. Балаларға, оның ішінде жаңа туған нәрестелерге күтім жасау құралдары мен заттары.
6. Балалар, диеталық, емдік-профилактикалық тамақтану өнімдері және биологиялық белсенді қоспалар.
7. Тері мен шаш күтіміне арналған косметикалық құралдар, гигиеналық ерін далабы.
8. Минералды су, емдік, асхана, емдік-асхана, ауыз су.
9. Дезинфекциялау құралдары, репелленттер және Инсектицидтер (бөлшек саудада сату үшін оралған).
10. Көру қабілетін түзету үшін қолданылатын оптикадан басқа оптика заттары.

          Осылайша, дәріханаларда дәрілік заттар мен медициналық бұйымдарға жатпайтын өнімдерді орналастыру кезінде халық тұтынатын тауарларды сатуға рұқсат етілген осы тізбені басшылыққа алу қажет.