Дәрілік заттардың тіркеу куәліктерін кері қайтарып алу туралы

«Халық денсаулығы және денсаулық сақтау жүйесі туралы» Қазақстан Республикасы Кодексінің 10-бабының 7) тармақшасына, 259-бабының                      1-тармағының 7) тармақшасына және Қазақстан Республикасы Денсаулық сақтау министрінің міндетін атқарушысы 2020 жылғы 24 желтоқсандағы № ҚР ДСМ-322/2020 бұйрығымен бекітілген Дәрілік заттар мен медициналық бұйымдарды қолдануды тоқтата тұру, тыйым салу немесе айналымнан алып қою не қолдануды шектеу қағидаларына сәйкес (Нормативтік құқықтық актілерді мемлекеттік тіркеу тізілімінде № 21906 тіркелген), БҰЙЫРАМЫН:

1.   Осы бұйрыққа қосымшаға сәйкес дәрілік заттардың тіркеу куәліктерін кері қайтарылып алынсын.
2. Қазақстан Республикасы Денсаулық сақтау министрлігінің Медициналық және фармацевтикалық бақылау комитетінің (бұдан әрі – Комитет) Фармацевтикалық қызметті бақылау саласындағы мемлекеттік көрсетілетін қызметтер басқармасы осы шешім қабылданған күннен бастап күнтізбелік бір күннің ішінде жазбаша (еркін) нысанда Комитетінің аумақтық бөлімшелеріне, дәрілік заттардың тіркеу куәлігінің иесіне және дәрілік заттар мен медициналық бұйымдар айналысы саласындағы мемлекеттік сараптама ұйымына (бұдан әрі-сараптама ұйымы) хабарласын.
3. Комитеттің аумақтық бөлімшелері осы шешім туралы ақпаратты алған күннен бастап бір жұмыс күннің ішінде:

1) облыстардың, республикалық маңызы бар қалалардың және астананың денсаулық сақтауды мемлекеттік басқарудың жергілікті органдарына, басқа да мемлекеттік органдарға (құзыреті бойынша) (жазбаша еркін нысанда) хабарлауды;

2) бұқаралық ақпарат құралдарына орналастыруды қамтамасыз етсін.

4. Осы бұйрықтың орындалуын қадағалау Комитет төрағасының жетекшілік ететін орынбасарына жүктелсін.
5. Осы бұйрық қол қойылған күнінен бастап күшіне енеді және қолданысқа енгізіледі.

Негіздеме:  «Медоптик» ЖШС 2025 жылғы 18 тамыздағы №P/57/25  өтініші.

Қазақстан Республикасы Денсаулық

сақтау министрілігі

Медициналық және фармацевтикалық

бақылау комитеті төраға

2025 жылғы ___ тамыздағы

№ _____ бұйрығына қосымша

 

 

 

Кері қайтарып алуға жататын дәрілік

заттардың тіркеу куәліктері

 

Тіркеу куәлігінің нөмірі	Тіркелген күні	Дәрілік заттың атауы	Өндіруші, мемлекет
РК-ДЗ-5№010723	30.06.2021	Дексаметазон, көзге тамызатын дәрі 0,1%,                    8 мл, 10 мл	«Медоптик» ЖШС Қазақстан
PK-ДЗ-5№014627	30.06.2021	Тиммалол-оптик көзге тамызатын дәрі 0,25% 5 мл	«Медоптик» ЖШС Қазақстан
PK-ДЗ-5№014625	30.06.2021	Тиммалол-оптик көзге тамызатын дәрі 0,5% 5 мл	«Медоптик» ЖШС Қазақстан
РК-ДЗ-5№009966	30.06.2021	Натрий сульфацилі көзге тамызатын дәрі 20% 5мл	«Медоптик» ЖШС Қазақстан
PK-ДЗ-5№009965	30.06.2021	Натрий сульфацилі көзге тамызатын дәрі 30% 5мл	«Медоптик» ЖШС Қазақстан
PK-ДЗ-5№011149	19.01.2017	Глазал окси® 0,01% мұрынға тамызатын дәрі  5 мл	«Медоптик» ЖШС Қазақстан
PK-ДЗ-5№011162	19.01.2017	Глазал окси® 0,05% мұрынға тамызатын дәрі 10 мл	«Медоптик» ЖШС Қазақстан
PK-ДЗ-5№011150	19.01.2017	Глазал окси® плюс 0,025% көзге және мұрынға тамызатын дәрі 10 мл	«Медоптик» ЖШС Казахстан
PK-ДЗ-5№003991	25.05.2017	Левомицетин көзге тамызатын дәрі 0,25%, 8 мл	«Медоптик» ЖШС Қазақстан

 

Дата публикации

24 сентября 2025