Астана қаласының МФБКД қызметкері халықаралық ғылыми журналдың «Медицина ғылымдары» сериясында пандемия кезіндегі медицина қызметкерлерінің жағдайын талдады. Бұл – Нұрай Мейірбекова, Астана қаласы бойынша МФБКД медициналық қызметті бақылау бөлімінің бас маманы, медицина ғылымдарының магистрі. Ол Р.К.Сүлейменованың жетекшілігімен «COVID-19 пандемиясы кезінде еңбек қауіпсіздігі аясында медицина қызметкерлерінің психоэмоционалдық жағдайын кешенді бағалау» атты мақаласын жазды.
Мақалада COVID-19 пандемиясы кезінде медицина қызметкерлерінің психоэмоционалдық жағдайына кешенді баға берілген. Автор медициналық персоналдың жұқтыру қаупі факторларын, дағдарыстың олардың эмоциялық күйіне және кәсіби шаршауына әсерін егжей-тегжейлі қарастырады. Зерттеу өзекті мәселелерді қозғай отырып, медицина қызметкерлерінің еңбек қауіпсіздігі мен гигиенасын қамтамасыз ету тақырыбын талдайды.
Жұмыстың негізгі аспектілерінің бірі – медицина қызметкерлерін қорғауға бағытталған алдын алу шараларын талдау. Автор сақтық шараларын сақтау, келушілер ағынын басқару және жеке қорғаныс құралдарын қолданудың маңыздылығын атап өтеді. Ұсынылған ұсыныстар кәсіби тәуекелдерді төмендету бойынша прагматикалық көзқарасты көрсетеді.
Мақалада медицина қызметкерлеріне ақпараттық және психологиялық қолдаудың қажеттілігі де көтеріледі. Автор кадрларды даярлау және әлеуметтік кепілдіктер беру арқылы денсаулық сақтау жүйесінің тұрақтылығын қамтамасыз ету маңыздылығын атап өтеді. Бұл жұмыс медицина қызметкерлерін қолдау шараларын зерттеуге және денсаулық сақтау жүйесін нығайтуға құнды үлес қосады.