Амангелдинова Анара Бауыржанқызы Қазақстан Республикасы Денсаулық сақтау министрлігі Медициналық және фармацевтикалық бақылау комитетінің Астана қаласы бойынша департаментінің (әрі қарай – Департамент) медициналық қызметті сертификаттау және лицензиялау бөлімінің бас маманы болып 2022 жылдың ақпанынан жұмыс жасайды.
Жұмыс барысында адал еңбегі үшін бірнеше рет Қазақстан Республикасы Денсаулық сақтау министрлігі Медициналық және фармацевтикалық бақылау комитеті төрағасының және AQNIET денсаулық сақтау қызметкерлері кәсіподағының төрағасының алғыс хаттарымен марапатталды.
Тұрмыста, үш баласы бар.
Жұмысының көптігіне қарамастан Департаменттің және Астана қаласының қоғамдық жұмыстарына белсене қатысады.
Мәселен, 2024 жылдың 15 наурызында “Салауатты ұлт” ұлттық жобасын жүзеге асыру аясында, «AQNIET» Қазақстан Республикасы Денсаулық сақтау қызметкерлерінің салалық кәсіподақ ұйымы Астана қаласының медициналық ұйымдары арасында боулингтен спартакиада өткізді.
Онда Анара Бауыржанқызы белсене қатысып, жүлделі орынға ие болды.
Өзінің еңбекқорлығы мен қоғамдық жұмысқа белсене араласатындығы үшін Департаменттің жас мамандарына Анара Бауыржанқызы жарқын үлгі.