Кейбір дәрілік заттардың тіркеу куәліктерінің қолданылуын тоқтату туралы

Кейбір дәрілік заттардың тіркеу куәліктерінің қолданылуын тоқтату туралы

Қазақстан Республикасы Денсаулық сақтау министрінің м.а. 2020 жылғы 24 желтоқсандағы № ҚР ДСМ-322/2020 бұйрығымен бекітілген Дәрілік заттар мен медициналық бұйымдарды қолдануды тоқтата тұру, оған тыйым салу немесе айналыстан алып қою не олардың қолданылуын шектеу қағидаларының 3-тармағының 7) тармақшасына сәйкес БҰЙЫРАМЫН:

Осы бұйрықтың қосымшасында көрсетілген тізбеге сәйкес дәрілік заттардың тіркеу куәліктерінің қолданылуы тоқтатылсын және кері қайтарылсын.
Қазақстан Республикасы Денсаулық сақтау министрлігінің Медициналық және фармацевтикалық бақылау комитетінің (бұдан әрі – Комитет) Фармацевтикалық қызметті бақылау саласындағы мемлекеттік көрсетілетін қызметтер басқармасы осы шешім қабылданған күннен бастап күнтізбелік бір күннің ішінде жазбаша (еркін) нысанда комитетінің аумақтық бөлімшелеріне, дәрілік заттардың тіркеу куәлігінің иесіне және дәрілік заттар мен медициналық бұйымдар айналысы саласындағы мемлекеттік сараптама ұйымына хабарласын.
Комитетінің аумақтық бөлімшелері осы шешім туралы ақпаратты алған күннен бастап бір жұмыс күннің ішінде:

1) облыстардың, республикалық маңызы бар қалалардың және астананың денсаулық сақтауды мемлекеттік басқарудың жергілікті органдарына, басқа да мемлекеттік органдарға (құзыреті бойынша) (жазбаша еркін нысанда) хабарлауды;

2) бұқаралық ақпарат құралдарына орналастыруды;

3) Комитетіне осы тармақтың 1) және 2) тармақшаларында, сонымен қатар 4 тармақта көзделген іс-шаралардың орындалуы туралы мәліметтерді ұсынуды қамтамасыз етсін.

Қолданылуы, өткізілуі немесе өндірілуі тоқтатылған, тыйым салынған немесе шектелген немесе айналыстан алып қоюға тиіс дәрілік заттар мен медициналық бұйымдардың сериясы (партиясы) немесе сериялары (партиялары) бар субъект оларды қайтару қажеттілігі туралы хабарлама алған күннен бастап күнтізбелік бес күн ішінде расталған құжаттарды бере отырып, өндірушіге, дистрибьюторға қайтару туралы тиісті ақпаратты аумақтық бөлімшеге жібереді.
«Энжерикс® В (В гепатитіне қарсы вакцина, инъекцияға арналған суспензия», «Тризивир®, үлбірлі қабықпен қапталған таблеткалар», «Ксизал, ішуге арналған тамшылар, 5мг/мл» дәрілік заттың тіркеу куәлігінің қолданылуын тоқтату туралы» Қазақстан Республикасы Денсаулық сақтау министрлігінің Медициналық және фармацевтикалық бақылау комитеті төрағасының 2022 жылғы 14 наурыздағы 105-НҚ бұйрығының күші жойылсын.
Осы бұйрықтың орындалуын бақылау Комитеттің төраға орынбасары С. А. Ержановаға жүктелсін.
Осы бұйрық қол қойылған күннен бастап күшіне енеді.

Негіздеме: «ГСК Қазақстан» ЖШС-ның 2022 жылғы 10 наурыздағы № 253 хаты.

Қазақстан Республикасы

Денсаулық сақтау министрлігі

Медициналық және

фармацевтикалық бақылау

Комитетінің төрағасы Б.Байсеркин

Қазақстан Республикасы

Денсаулық сақтау министрілігі

Медициналық және фармацевтикалық

бақылау комитеті төрағасының

2022 жылғы __ сәуірдегі

№__ бұйрығына қосымша

Дәрілік заттардың тоқтатылуға тоқтатылуға тиісті тіркеу куәліктерінің тізбесі

№	Тіркеу куәлігінің нөмірі	Тіркелген күні	Медициналық бұйымның атауы	Өндіруші, мемлекет
1	ҚР-БП-5№004770	21.11.2016	Энжерикс® В (В гепатитіне қарсы вакцина, инъекцияға арналған суспензия	ГлаксоСмитКляйн Байолоджикалз с.а. Бельгия
2	ҚР-ДЗ-5№012399	01.11.2018	Тризивир®, үлбірлі қабықпен қапталған таблеткалар	ГлаксоСмитКляйн Фармасьютикалз С.А. Польша
3	ҚР-ДЗ-5№014453	31.03.2020	Ксизал, ішуге арналған тамшылар, 5мг/мл	Эйсика Фармасьютикалз С.р.Л Италия

Согласовано

05.04.2022 16:44 Жакыпбаева Г. Д. ((и.о Мукатаева Ж. А.))

05.04.2022 17:03 Балтабекова Динара Жумагалиевна

05.04.2022 20:06 Ержанова Сауле Амантаевна

Подписано

06.04.2022 09:18 Байсеркин Бауыржан Сатжанович