Қазақстан Республикасы Денсаулық сақтау министрлігінің тапсырмасына сәйкес Қазақстан Республикасы Денсаулық сақтау министрлігі Медициналық және фармацевтикалық бақылау комитетінің Ақмола облысы бойынша департаменті «Үздік провизор - 2023» номинациясы «Отандық өнім» (Қазақстанда өндірілген) тақырыбы бойынша 2023 жылы 31 мамырда конкурс өткізеді.
Конкурсқа практикалық тәжірибесі 5 жылдан кем емес фармацевтер (жоғары білімі бар мамандар) қатыса алады.
Конкурсқа қатысу үшін келесі құжаттар ұсынылады:
1) номинацияны көрсете отырып, еркін нысандағы конкурсқа қатысуға өтінім;
2) фотосуреті бар түйіндеме;
3) конкурсқа қатысушы жұмыс істейтін денсаулық сақтау ұйымының басшысы куәландырған, кәсіптік қызметі туралы деректер және тиісті номинация бойынша бағалау әдістемесінде көрсетілген көрсеткіштердің әрқайсысына қол жеткізуі туралы мәліметтермен қоса берілген кәсіптік қызмет туралы есеп, көрсеткіштердің (критерийлер мен индикаторлардың) әрқайсысына қол жеткізу тиісті номинация бойынша бағалау әдістемесінде көрсетілген нысан бойынша кестелік форматта ұсынылады (Есеп көлемі 15 баспа парағынан аспауы керек);
4) қатысушы туралы бейнеролик (3 минуттан аспайды).
5) конкурсқа қатысушының сұрауы бойынша қосымша ақпарат (10 шрифтпен 3 баспа парақтан аспауы керек).
Конкурсқа қатысуға өтінімдер 2023 жылдың __ мамырына дейін Н.Назарбаев даңғылы 60, 212 кабинет мекенжайы бойынша қабылданады.
Кеңес алу үшін телефон нөмірлері: 8716-2-51-67-98, 8716-2-50-11-99.
Конкурс 2023 жылдың 31 мамырында өткізіледі.